കൊച്ചിയിൽ ഓണ്ലൈന് ഗെയിമില് തോറ്റ 14കാരൻ ജീവനൊടുക്കി
- Published by:Rajesh V
- news18-malayalam
Last Updated:
ഓണ്ലൈന് ഗെയിമിലെ തോല്വിയാണ് ആത്മഹത്യയിലേക്ക് നയിച്ചതെന്ന് സൂചന
കൊച്ചിയില് ഓണ്ലൈൻ ഗെയിമിൽ തോറ്റ പതിനാലുകാരന് ജീവനൊടുക്കി. ചെങ്ങമനാട് കപ്രശ്ശേരി വടക്കുഞ്ചേരി വീട്ടില് ജെയ്മിയുടെ മകന് അഗ്നല് (14) ആണ് തൂങ്ങിമരിച്ചത്. ഓണ്ലൈന് ഗെയിമിലെ തോല്വിയാണ് ആത്മഹത്യയിലേക്ക് നയിച്ചതെന്ന് സൂചന. ഫാനില് തൂങ്ങിയ നിലയിലായിരുന്നു മൃതദേഹം.
വെള്ളിയാഴ്ച്ച വൈകിട്ട് സ്കൂളില് നിന്ന് വീട്ടിലെത്തി ഭക്ഷണം കഴിഞ്ഞ് മുറിയിലേക്ക് പോയ ശേഷമായിരുന്നു സംഭവം. വാതില് തുറക്കാതായതോടെ ചവിട്ടി തുറക്കുകയായിരുന്നു. മുറി തുറന്നപ്പോഴാണ് കുട്ടിയെ തൂങ്ങിയ നിലയില് കണ്ടെത്തിയത്. ഉടനെ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു.
നെടുമ്പാശ്ശേരി പൊലീസെത്തി ഇന്ക്വസ്റ്റ് നടപടികള് പൂര്ത്തിയാക്കിയ ശേഷം മൃതദേഹം കളമശ്ശേരി മെഡിക്കല് കോളജില് പോസ്റ്റ്മോര്ട്ടം ചെയ്തു. വൈകിട്ട് നാലിന് കപ്രശ്ശേരി ലിറ്റില് ഫ്ലവര് പള്ളി സെമിത്തേരിയില് സംസ്കാരം നടക്കും.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kochi,Ernakulam,Kerala
First Published :
Jul 13, 2024 4:44 PM IST
