മഞ്ചേരി മെഡിക്കൽ കോളേജിൽ കുട്ടികളുടെ വാർഡിൽനിന്ന് പാമ്പിനെ പിടികൂടി

മലപ്പുറത്തെ ആശുപത്രികളിൽനിന്ന് പാമ്പിനെ കണ്ടെത്തുന്ന സംഭവം അടുത്തിടെയായി കൂടുതലായി റിപ്പോർട്ട് ചെയ്യുന്നുണ്ട്. നേരത്തെ നിലമ്പൂരിലെയും പെരിന്തൽമണ്ണയിലെയും ആശുപത്രികളിൽനിന്ന് പാമ്പിനെ കണ്ടെത്തിയിരുന്നു.

ഒരു മാസം മുമ്പാണ് പെരിന്തൽമണ്ണ ജില്ലാ ആശുപത്രിയിൽനിന്ന് പാമ്പിനെ പിടികൂടിയത്. ആശുപത്രിയിലെ സർജിക്കൽ വാർഡിൽനിന്നാണ് രണ്ട് പാമ്പിൻ കുഞ്ഞുങ്ങളെ കണ്ടെത്തിയത്. അതിന് മുമ്പ് 11 പാമ്പിൻകുഞ്ഞുങ്ങളെയും ഇതേ വാർഡിൽനിന്ന് പിടികൂടിയിരുന്നു. ഇതേത്തുടർന്ന് അടച്ചിട്ടിരുന്ന വാർഡിലാണ് വീണ്ടും പാമ്പിനെ കണ്ടെത്തിയതും പിടികൂടിയതും. ആശുപത്രി പരിസരം കാടുപിടിച്ച് കിടക്കുകയായിരുന്നു. പാമ്പിനെ കണ്ടെത്തിയതിനെ തുടർന്ന് ആശുപത്രി പരിസരത്തെ കാട് ജീവനക്കാരുടെ നേതൃത്വത്തിൽ വെട്ടിത്തെളിച്ചിരുന്നു.

New Summary- A snake was caught from the children’s ward at Manjeri Medical College. At this time 11 children were under treatment in the ward