വള്ളംകളിയും വശമുണ്ടോ? കാരിച്ചാൽ ചുണ്ടന്റെ ക്യാപ്റ്റനായി നടൻ രഞ്ജിത് സജീവ്
- Published by:Sneha Reghu
- news18-malayalam
Last Updated:
കാരിച്ചാലിന്റെ തുഴച്ചിലുകാരെ കണ്ടു പ്രോത്സാഹിപ്പിക്കാനാണ് വന്നതെങ്കിലും മടങ്ങാൻ കഴിഞ്ഞില്ലെന്നാണ് നടൻ പറയുന്നത്
വള്ളംകളിയിൽ കാരിച്ചാൽ ചുണ്ടൻ വള്ളത്തിന്റെ ക്യാപ്റ്റനായി നടൻ രഞ്ജിത് സജീവ്. കൊല്ലത്തും കോട്ടയത്തും കുടുംബവേരുകളുള്ള താരത്തിനു വള്ളംകളിയുടെ ആവശം ഒട്ടും ചോരാതെയുണ്ടെങ്കിലും വള്ളം കളിയുടെ ക്യാപ്റ്റനാകുന്നത് പുതുമയുള്ള വിശേഷമാണ്. ഗോളം, ഖൽബ്, മൈക്ക് തുടങ്ങിയ സിനിമകളിലൂടെ പ്രശസ്തനായ യുവനടൻ 'ഹാഫ്' എന്ന സിനിമയുടെ ചിത്രീകരണത്തിരക്കുകൾക്കിടയിലാണു രാജസ്ഥാൻൽ നിന്ന് കരുവാറ്റയിലെ പരിശീലന ക്യാംപിൽ എത്തിയത്.
കാരിച്ചാൽ ചുണ്ടൻ വള്ളത്തിന്റെ ക്യാപ്റ്റനായ അനുഭവം പങ്കുവയ്ക്കുകയാണ് നടൻ:
''ഞാൻ വള്ളംകളി ഇതുവരെ ടിവിയിലേ കണ്ടിട്ടുള്ളൂ. പക്ഷേ ഇത്തവണ വള്ളത്തിലെ പരിശീലനത്തിൽ പങ്കെടുത്തതോടെ ഞാനും വള്ളംകളി ആരാധകനായി . കാരിച്ചാലിന്റെ തുഴച്ചിലുകാരെ കണ്ടു പ്രോത്സാഹിപ്പിക്കാനാണ് വന്നതെങ്കിലും മടങ്ങാൻ കഴിഞ്ഞില്ല. വള്ളത്തിലെ പരിശീലനത്തിൽ സജീവമായി പങ്കെടുത്തു.
അത്‍ലറ്റിക്സ് ഉൾപ്പെടെ കായിക ഇനങ്ങൾ ഇഷ്ടമാണ്. അങ്ങനെയാണു വള്ളംകളിയിലേക്ക് എത്തിയത്. ടീമിനെ സ്പോൺസർ ചെയ്യുമ്പോഴും വള്ളംകളിയെന്ന വികാരമോ വള്ളത്തിൽ നിന്നു നിൽക്കുമ്പോഴുള്ള ആവേശമോ മത്സരത്തിന്റെ വീറും വാശിയുമോ ഒന്നും അറിയില്ലായിരുന്നെങ്കിലും ടീമിനൊപ്പം ചേർന്നതോടെ കഥ മാറി. അവരുടെ ആവേശം ഞാനും അറിഞ്ഞു. മത്സര സമയത്തും വള്ളത്തിൽ കയറണമെന്നാണു കരുതുന്നത്.
advertisement
മികച്ച ടീമാണു കാരിച്ചാലിന്റേത്. കടുത്ത പരിശീലനത്തിലൂടെയാണു കടന്നുപോയത്. പുന്നമടയിൽ കാരിച്ചാലിന്റെ തേരോട്ടം കാണാൻ കാത്തിരിക്കുന്നവർ നിരാശപ്പെടില്ല. ക്യാപ്റ്റന്റെ ഉറപ്പ്.''- നടൻ രഞ്ജിത് സജീവ് പറയുന്നു.
കാരിച്ചാൽ ചുണ്ടിൽ സ്വന്തം ടീം ഇതാദ്യമായാണ് തുഴയുന്നതെങ്കിലും ട്രാക്ക് എൻട്രിയിലെ പ്രകടനം മറ്റു ടീമുകളെ അമ്പരപ്പിച്ചിരിക്കുകയാണഅ.
ആലപ്പുഴ നഗരത്തിലാണു ഖൽബ് ഷൂട്ട് ചെയ്തത്. അങ്ങനെയാണ് തനിക്ക് മുല്ലയ്ക്കൽ തെരുവും ആലപ്പുഴ ബീച്ചുമൊക്കെ കുറച്ചും കൂടി പരിചിതമായെന്നാണ് നടൻ പറഞ്ഞത്. വള്ളംകളി കഴിഞ്ഞാൽ രഞ്ജിത് സജീവ് ഹാഫിന്റെ ലൊക്കേഷനിലേക്കു മടങ്ങും.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Alappuzha,Kerala
First Published :
August 28, 2025 1:57 PM IST
മലയാളം വാർത്തകൾ/ വാർത്ത/Kerala/
വള്ളംകളിയും വശമുണ്ടോ? കാരിച്ചാൽ ചുണ്ടന്റെ ക്യാപ്റ്റനായി നടൻ രഞ്ജിത് സജീവ്
