എ‍‍ഡിഎം നവീൻ ബാബുവിന്റെ മരണം: പ്രശാന്തനെ പിരിച്ചുവിടും; നിയമോപദേശം തേടിയതായി ആരോഗ്യമന്ത്രി വീണാ ജോർജ്

ഇയാൾ സർവീസിൽ തുടരാൻ പാടില്ലെന്നാണ് ആരോഗ്യവകുപ്പിന്റെ നിലപാടെന്നും മന്ത്രി കൂട്ടിച്ചേർത്തു.വിഷയത്തിൽ ആരോഗ്യവകുപ്പ് നേരിട്ട് അന്വേഷണത്തിന് ഒരുങ്ങുകയാണെന്നും പരിയാരം മെഡിക്കൽ കോളേജ് ഡിഎംഇയോട് വിശദീകരണം തേടിയതായും മന്ത്രി വ്യക്തമാക്കി. പ്രശാന്തൻ സർക്കാർ ജീവനക്കാരൻ അല്ല.

പരിയാരം മെഡിക്കൽ കോളേജ് സർക്കാർ ഏറ്റെടുത്ത് അതിന്റെ ആഗിരണപ്രക്രിയ നടക്കുകയാണ്. എന്നാൽ ആഗിരണപ്രക്രിയയിൽ ഉള്ള വ്യക്തിയാണ് പ്രശാന്തൻ. സർവീസ് ലംഘനം നടന്നിട്ടുണ്ടോ എന്ന് പരിശോധിക്കുമെന്നും മന്ത്രി മാധ്യമങ്ങളോട് പ്രതികരിച്ചു. പെട്രോൾ പമ്പിന് എതിർപ്പില്ല രേഖ(എൻഒസി) നൽകാൻ എഡിഎം നവീൻ ബാബു ഒരു ലക്ഷം രൂപ ചോദിച്ചുവെന്നുവെന്നും 98,500 രൂപ നൽകിയെന്നും ആയിരുന്നു ടിവി പ്രശാന്തന്റെ ആരോപണം.