SBI ആക്രമണം: 5 ഇടതുസംഘടനാ പ്രവർത്തകരെ തിരിച്ചറിഞ്ഞു
Last Updated:
തിരുവനന്തപുരം: അഖിലേന്ത്യാ പൊതുപണിമുടക്ക് ദിനത്തിൽ തിരുവനന്തപുരത്തെ SBI ബാങ്ക് ശാഖ ആക്രമിച്ച സംഭവത്തിൽ അഞ്ച് പേരെ കൂടി പൊലീസ് തിരിച്ചറിഞ്ഞു. സർക്കാർ ജീവനക്കാരായ ശ്രീവൽസൻ, അനിൽ, ബിജു രാജ്, ബിജുകുമാർ, അജയകുമാർ എന്നിവരെയാണ് തിരിച്ചറിഞ്ഞത്.. ഇടതു സംഘടന പ്രവർത്തകരാണ് ഇവർ. അക്രമവുമായി ബന്ധപ്പെട്ട് നേരത്തെ അറസ്റ്റിലായ രണ്ട് സർക്കാർ ജീവനക്കാർക്കെതിരെ ഇന്ന് അച്ചടക്കനടപടിയുണ്ടാവും.
എൻജിഒ യൂണിയൻ ജില്ലാ സെക്രട്ടറിയേറ്റ് അംഗം ഹരിലാൽ, യൂണിയൻ തൈക്കാട് ഏരിയാ സെക്രട്ടറി അശോകൻ എന്നിവരെയാണ് പൊലീസ് അറസ്റ്റ് ചെയ്തിരുന്നത്. ദേശീയ പണിമുടക്കിന്റെ രണ്ടാം ദിവസമാണ് സെക്രട്ടറിയേറ്റിന് സമീപമുള്ള എസ്ബിഐയുടെ ട്രഷറി മെയിൻ ബ്രാഞ്ചിന് നേർക്ക് ആക്രമണമുണ്ടായത്. ബാങ്കിൽ അതിക്രമിച്ച് കയറിയ ഹർത്താൽ അനുകൂലികൾ മാനേജരുടെ കാബിനിൽ കയറി കമ്പ്യൂട്ടറുകൾ അടക്കമുള്ള ഉപകരണങ്ങൾ തല്ലി തകർക്കുകയായിരുന്നു. പന്ത്രണ്ടോളം പേരടങ്ങുന്ന സംഘമായിരുന്നു അതിക്രമം നടത്തിയത്.
advertisement
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jan 11, 2019 11:00 AM IST
