ശബരിമലയില്‍ പൊലീസിന്റെ പാസ് വേണമെന്ന നിര്‍ദ്ദേശം ലംഘിക്കുമെന്ന് എം.ടി രമേശ്
Last Updated:
കോഴിക്കോട്: ശബരിമല ദര്‍ശനത്തിനെത്തുന്നവര്‍ പൊലീസ് സ്റ്റേഷനിലെത്തി പാസ് വാങ്ങണമെന്ന സര്‍ക്കാരിന്റെ നിര്‍ദ്ദേശം ബി.ജെ.പി ലംഘിക്കുമെന്ന് സംസ്ഥാന ജനറല്‍ സെക്രട്ടറി എം.ടി രമേശ്.
സര്‍ക്കാരിന്റെ ജനാധിപത്യ വിരുദ്ധമായ ഉത്തരവുകള്‍ പാലിക്കേണ്ട ബാധ്യത ജനങ്ങള്‍ക്കില്ലെന്നും അദ്ദേഹം പറഞ്ഞു.
എന്‍.ഡി.എ സംഘടിപ്പിച്ച ശബരിമല സംരക്ഷണ രഥയാത്രയില്‍ പങ്കെടുത്ത് പ്രസംഗിക്കുകയായിരുന്നു എം.ടി രമേശ്.
മണ്ഡല കാലത്ത് ആയിരക്കണക്കിന് വാഹനങ്ങള്‍ പാസില്ലാതെ ശബരിമലയിലെത്തും. തടുക്കാന്‍ തന്റേമുണ്ടെങ്കില്‍ പിണറായി വിജയന്‍ തടയട്ടെ. പിണറായി വിജയന്‍ വിശ്വാസികള്‍ക്കെതിരെ യുദ്ധം പ്രഖ്യാപിച്ചിരിക്കുകയാണ്. ഇതിനെ ചെറുക്കേണ്ടത് എല്ലാ വിശ്വാസികളുടേയും കടമയാണെന്നും എം.ടി രമേശ് പറഞ്ഞു.
advertisement
യുദ്ധസമാനമായ സാഹചര്യം സൃഷ്ടിച്ച് യുവതികളെ ശബരിമലയില്‍ കയറ്റണമെന്ന് സുപ്രീം കോടതി ഉത്തരവിട്ടിട്ടുണ്ടോയെന്ന് പിണറായി വ്യക്തമാക്കണമെന്നും രമേശ് ആവശ്യപ്പെട്ടു.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
November 10, 2018 5:13 PM IST
മലയാളം വാർത്തകൾ/ വാർത്ത/Kerala/
ശബരിമലയില്‍ പൊലീസിന്റെ പാസ് വേണമെന്ന നിര്‍ദ്ദേശം ലംഘിക്കുമെന്ന് എം.ടി രമേശ്
