സര്‍ക്കാരും സി.പി.എമ്മും വിശ്വാസികളെ ഭിന്നിപ്പിക്കാന്‍ ശ്രമിക്കുന്നു: തുഷാര്‍

എന്‍.ഡി.എ സംഘടിപ്പിക്കുന്ന ശബരിമല സംരക്ഷണ രഥയാത്രയ്ക്ക് വടകരയില്‍ നല്‍കിയ സ്വീകരണത്തില്‍ പ്രസംഗിക്കുകയായിരുന്നു തുഷാര്‍.

ശബരിമലയിലെ യുവതി പ്രവേശത്തെ എതിര്‍ക്കുന്നവരെ അവര്‍ണരും സവര്‍ണരുമെന്ന് വേര്‍തിരിക്കുന്നത് സി.പി.എമ്മിന്റെ ആശയ പാപ്പരത്തമാണെന്നും തുഷാര്‍ വെള്ളാപ്പള്ളി ആരോപിച്ചു.

ഹിന്ദുവിശ്വാസത്തിന് നേരെയുള്ള കടന്നു കയറ്റത്തിന് പിന്നാലെ സര്‍ക്കാര്‍ ക്രിസ്ത്യന്‍, മുസ്ലീം വിഭാഗങ്ങള്‍ക്ക് നേരെ തിരിയും. അതുകൊണ്ട് ശബരിമല സംരക്ഷണം എല്ലാവരുടെയും ബാധ്യയാണ്.

ശബരിമലയെ തകര്‍ക്കാനുള്ള പിണറായി സര്‍ക്കാരിന്റെ നീക്കം കോടിക്കണക്കിന് വിശ്വാസികളില്‍ വേദനയുണ്ടാക്കുന്നതാണെന്നും അദ്ദേഹം പറഞ്ഞു.