Covid 19 | കോവിഡ് വ്യാപനം: ഒന്നു മുതല് ഒന്പതു വരെയുള്ള ക്ലാസുകള് 21 മുതല് അടച്ചിടും
- Published by:Jayesh Krishnan
- news18-malayalam
Last Updated:
രാത്രി കര്ഫ്യൂവോ, ഞായറാഴ്ച നിയന്ത്രണമോ ഇപ്പോഴുണ്ടാകില്ല. സ്ഥിതിഗതികള് അടുത്ത രണ്ടാഴ്ച നിരീക്ഷിക്കും
തിരുവനന്തപുരം: സംസ്ഥാനത്ത് സ്കൂള് വീണ്ടും അടച്ചിടാന് തീരുമാനം. ഒന്നു മുതല് ഒന്പതു വരെയുള്ള ക്ലാസുകള് ഈ മാസം 21 മുതല് അടച്ചിടും. കോവിഡ് അവലോകന യോഗത്തിലാണ് തീരുമാനം. എന്നാല് പത്താം ക്ലാസ് മുതല് പ്ലസ് ടു വരെയുള്ള ക്ലാസുകള്ക്ക് മാറ്റമില്ല. കോവിഡ് വ്യാപനത്തിന്റെ പശ്ചാത്തലത്തിലാണ് സര്ക്കാര് തീരുമാനം.
സ്കൂളുകള് അടയ്ക്കുന്നതുമായി ബന്ധപ്പെട്ട് വിദ്യാഭ്യാസ മന്ത്രി വി.ശിവന്കുട്ടി മുഖ്യമന്ത്രിയെ സന്ദര്ശിച്ച് ചര്ച്ച നടത്തിയിരുന്നു. കോവിഡ് അവലോകന യോഗത്തില് വിദഗ്ധരുടെ നിര്ദേശപ്രകാരം തീരുമാനമെടുക്കാമെന്നു മുഖ്യമന്ത്രി പറഞ്ഞതായി ശിവന്കുട്ടി വ്യക്തമാക്കിയിരുന്നു.
രാത്രി കര്ഫ്യൂവോ, ഞായറാഴ്ച നിയന്ത്രണമോ ഇപ്പോഴുണ്ടാകില്ല. സ്ഥിതിഗതികള് അടുത്ത രണ്ടാഴ്ച നിരീക്ഷിക്കും. അതിന് ശേഷമാകും കൂടുതല് നിയന്ത്രണങ്ങള് വേണോ എന്ന കാര്യത്തില് അന്തിമതീരുമാനമെടുക്കുക.
advertisement
വീട്ടിലിരിക്കുന്ന കുട്ടികള്ക്ക് വിക്ടേഴ്സ് വഴിയാകുമോ ക്ലാസ്സുകള് എന്നതടക്കമുള്ള കാര്യങ്ങള് വിശദമാക്കി ഒരു മാര്ഗരേഖ വിദ്യാഭ്യാസവകുപ്പ് പുറത്തുവിടും. കൊവിഡ് വ്യാപനം രൂക്ഷമായാല് അതാത് സ്ഥാപനങ്ങള് അടച്ചിടാമെന്നും മുഖ്യമന്ത്രിയുടെ അധ്യക്ഷതയില് ചേര്ന്ന യോഗം നിര്ദേശിച്ചു.
സ്കൂളുകളും കോളേജുകളും അടക്കമുള്ള എല്ലാ സ്ഥാപനങ്ങളും കൊവിഡ് വ്യാപനം രൂക്ഷമാവുകയോ കൂടുതല് രോഗികളുണ്ടെന്ന് കണ്ടെത്തുകയോ ചെയ്താല് അടച്ചിടാന് മേലധികാരികള്ക്ക് തീരുമാനിക്കാം. സര്ക്കാര് പരിപാടികള് പരമാവധി ഓണ്ലൈന് ആക്കാനും തീരുമാനമായിട്ടുണ്ട്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
January 14, 2022 4:46 PM IST
മലയാളം വാർത്തകൾ/ വാർത്ത/Kerala/
Covid 19 | കോവിഡ് വ്യാപനം: ഒന്നു മുതല് ഒന്പതു വരെയുള്ള ക്ലാസുകള് 21 മുതല് അടച്ചിടും
