സംസ്ഥാനത്ത് മൂന്ന് ജില്ലകളിൽ ജോലി ചെയ്യാൻ സർക്കാർ ഉദ്യോഗസ്ഥർക്ക് താൽപര്യമില്ല;നടപടി എടുക്കുമെന്ന് മുഖ്യമന്ത്രി

തിരുവനന്തപുരം: സംസ്ഥാനത്ത് മൂന്ന് ജില്ലകളിൽ ജോലിചെയ്യാൻ സർക്കാർ ജീവനക്കാർ വിമുഖത കാട്ടുന്നത് ശ്രദ്ധയിൽപ്പെട്ടിട്ടുണ്ടെന്ന് മുഖ്യമന്ത്രി പിണറായി വിജയൻ. സി. എച്ച് കുഞ്ഞമ്പുവിന്‍റെ സബ്മിഷന് നിയമസഭയിൽ മറുപടി പറയുകയായിരുന്നു മുഖ്യമന്ത്രി. ഇടുക്കി, വയനാട്, കാസർഗോഡ് ജില്ലകളിൽ നിയമനം ലഭിക്കുന്ന ഉദ്യോഗസ്ഥർ, ഡെപ്യൂട്ടേഷൻ വാങ്ങിയോ സ്ഥലംമാറ്റം നേടിയോ മറ്റ് ജില്ലകളിലേക്ക് പോകുകയാണ് പതിവ്. ഇടുക്കി, കാസർഗോഡ്, വയനാട് ജില്ലകളിൽ നിയമനം ലഭിക്കുന്നവർ അവധിയിൽ പ്രവേശിക്കുന്നതും സർക്കാരിന്‍റെ ശ്രദ്ധയിൽപ്പെട്ടിട്ടുണ്ടെന്ന് മുഖ്യമന്ത്രി പറഞ്ഞു.