ഡി ലിറ്റ് വിവാദം: കെ സുരേന്ദ്രൻ വാ പോയ കോടാലിയെന്ന് വി ഡി സതീശൻ; പ്രതിപക്ഷ നേതാവ് പിണറായിക്ക് വേണ്ടിവാദിക്കുന്ന വക്കീലെന്ന് വി മുരളീധരൻ

കൊച്ചി: ഡി-ലിറ്റ് വിവാദം (D Litt Controversy) കേരള രാഷ്ട്രീയത്തിൽ നേതാക്കൾ തമ്മിലുള്ള പരസ്പര വിമർശനത്തിനും ചെളിവാരിയെറിയലിൻ്റെയും പുതിയ പാത കൂടിയാണ് തുറന്നിരിക്കുന്നത്. പ്രധാനമായും ബി ജെ പിയും (BJP) കോൺഗ്രസും (Congres) തമ്മിലാണ് ഏറ്റുമുട്ടൽ  നടക്കുന്നത്. പ്രതിപക്ഷ നേതാവും ബി ജെ പി സംസ്ഥാന പ്രസിഡന്റ് കെ സുരേന്ദ്രനും (K Surendran) മണിക്കൂറുകളുടെ ഇടവേളകളിൽ പരസ്പരം  വിമർശനം നടത്തുമ്പോൾ  സുരേന്ദ്രന്  കൂട്ടായി കേന്ദ്ര മന്ത്രി വി മുരളീധരനും (V Muraleedharan) എത്തിയിട്ടുണ്ട്. പ്രതിപക്ഷ നിരയിലാകട്ടെ ഔദ്യോഗിക  വിമർശനം തൻറെ  മാത്രമാണെന്ന്  എന്ന് പ്രതിപക്ഷ നേതാവ് വ്യക്തമാക്കിയിട്ടുണ്ട്.  ഇതോടെ കോൺഗ്രസിൽ മൂപ്പിളമ പോരിൻ്റെ മറ്റൊരു യുഗത്തിനു കൂടി തുടക്കം കുറിക്കുകയാണ്.