'മനുഷ്യര്ക്കിടയില് വിദ്വേഷം സൃഷ്ടിക്കുന്ന ഒരു പ്രസ്ഥാനവുമായും സന്ധിയില്ല'; ജമാഅത്തെ വേദിയിൽ പങ്കെടുത്തതിൽ ദലീമ എംഎല്എയുടെ വിശദീകരണം
- Published by:Rajesh V
- news18-malayalam
Last Updated:
അരൂക്കുറ്റി കേന്ദ്രീകരിച്ച് പ്രവര്ത്തിക്കുന്ന കനിവ് എന്ന പാലീയേറ്റിവ് സംഘടനയുടെ കിടപ്പുരോഗികളെ ചികിത്സിക്കുന്ന ഹോം കെയര് ആവശ്യങ്ങള്ക്കായുള്ള ആംബുലന്സിന്റെ ഫ്ലാഗ് ഓഫിനായാണ് തന്നെ ക്ഷണിച്ചതെന്ന് ദലീമ
ആലപ്പുഴ: ജമാഅത്തെ വേദിയിൽ പങ്കെടുത്തതിൽ വിശദീകരണവുമായി സിപിഎം എംഎൽഎ ദലീമ ജോജോ രംഗത്ത്. അരൂക്കുറ്റി കേന്ദ്രീകരിച്ച് പ്രവര്ത്തിക്കുന്ന കനിവ് എന്ന പാലീയേറ്റിവ് സംഘടനയുടെ കിടപ്പുരോഗികളെ ചികിത്സിക്കുന്ന ഹോം കെയര് ആവശ്യങ്ങള്ക്കായുള്ള ആംബുലന്സിന്റെ ഫ്ലാഗ് ഓഫിനായാണ് തന്നെ ക്ഷണിച്ചതെന്ന് ഫേസ്ബുക്ക് കുറിപ്പിൽ എംഎൽഎ പറഞ്ഞു.
മണ്ഡലത്തിലെ പാലീയേറ്റീവ് – ചാരിറ്റി പ്രവര്ത്തനങ്ങള് നടത്തുന്ന സംഘടനകളെ പ്രോത്സാഹിപ്പിക്കേണ്ടതും അത്തരം വേദികളില് പങ്കെടുക്കേണ്ടതും ഒരു ജനപ്രതിനിധി എന്ന നിലയിലുള്ള ഉത്തരവാദിത്തമായാണ് കാണുന്നത്. ക്ഷണിക്കുന്ന പരിപാടികള്ക്കെല്ലാം പങ്കെടുക്കാന് പരിശ്രമിക്കുന്ന, ചാരിറ്റി പാലീയേറ്റീവ് പ്രവര്ത്തനങ്ങളില് കുറേക്കൂടി താത്പര്യം കാണിക്കുന്ന സമീപനമാണ് തന്റേത്.
'ഇവിടെ ക്ഷണിച്ചതും പങ്കെടുത്തതും ജമാ അത്തെ ഇസ്ലാമി ഹിന്ദിന്റെയോ അതിന്റെ പോഷക സംഘടനകളുടെയോ പരിപാടികള്ക്കല്ല. സംഘപരിവാറിന്റെയോ പൊളിറ്റിക്കല് ഇസ്ലാമിന്റെയോ കാസ ഉള്പ്പടെയുള്ള തീവ്രനിലപാടുകാരുടെയോ വേദികളില് പങ്കെടുക്കില്ല എന്നത് ഞാനും എന്റെ പ്രസ്ഥാനമായ സിപിഎമ്മിന്റെയും പ്രഖ്യാപിത നിലപാടാണ്. മനുഷ്യര്ക്കിടയില് വിദ്വേഷം സൃഷ്ടിക്കുന്ന ഒരു പ്രസ്ഥാനവുമായും സന്ധിയില്ലട- എംഎൽഎ ഫേസ്ബുക്കിൽ കുറിച്ചു.
advertisement
ദലീമയുടെ ഫേസ്ബുക്ക് കുറിപ്പിന്റെ പൂർണരൂപം
ദെലീമ എം.എല്.എ ജമാഅത്തെ ഇസ്ലാമിയുടെ വേദിയില് എന്നുള്ള തരത്തില് ഇതിനോടകം പല മാധ്യമങ്ങളും വാര്ത്തകള് പ്രസിദ്ധീകരിക്കുന്നുണ്ട്.
ഈ വാര്ത്തയുടെ കാരണമായിട്ടുള്ളത് ഈ മാസം ജനുവരി 11ന് എന്റെ നിയോജക മണ്ഡലത്തില് നടന്ന ചടങ്ങാണ്.ആ പരിപാടിയിലേക്ക് എന്നെ ക്ഷണിച്ചുകൊണ്ടുള്ള കത്ത് ഞാന് ഈ കുറിപ്പിനൊപ്പം പങ്കുവെക്കുകയാണ്
അരൂക്കുറ്റി കേന്ദ്രീകരിച്ച് പ്രവര്ത്തിക്കുന്ന കനിവ് എന്ന പാലീയേറ്റിവ് സംഘടനയുടെ കിടപ്പുരോഗികളെ ചികിത്സിക്കുന്ന ഹോം കെയര് ആവശ്യങ്ങള്ക്കായുള്ള ആംബുലന്സിന്റെ ഫ്ലാഗ് ഓഫിനായാണ് എന്നെ ക്ഷണിച്ചത്.
advertisement
മണ്ഡലത്തിലെ പാലീയേറ്റീവ് – ചാരിറ്റി പ്രവര്ത്തനങ്ങള് നടത്തുന്ന സംഘടനകളെ പ്രോത്സാഹിപ്പിക്കേണ്ടതും അത്തരം വേദികളില് പങ്കെടുക്കേണ്ടതും ഒരു ജനപ്രതിനിധി എന്ന നിലയിലുള്ള ഉത്തരവാദിത്വമായാണ് കാണുന്നത്.ക്ഷണിക്കുന്ന പരിപാടികള്ക്കെല്ലാം പങ്കെടുക്കാന് പരിശ്രമിക്കുന്ന, ചാരിറ്റി പാലീയേറ്റീവ് പ്രവര്ത്തനങ്ങളില് കുറേക്കൂടി താത്പര്യം കാണിക്കുന്ന സമീപനമാണ് എന്റേത്.
ഇവിടെ എന്നെ ക്ഷണിച്ചതും ഞാന് പങ്കെടുത്തതും ജമാ അത്തെ ഇസ്ലാമി ഹിന്ദിന്റെയോ അതിന്റെ പോഷക സംഘടനകളുടെയോ പരിപാടികള്ക്കല്ല.സംഘപരിവാറിന്റെയോ പൊളിറ്റിക്കല് ഇസ്ലാമിന്റെയോ കാസ ഉള്പ്പടെയുള്ള തീവ്രനിലപാടുകാരുടെയോ വേദികളില് പങ്കെടുക്കില്ല എന്നത് ഞാനും എന്റെ പ്രസ്ഥാനമായ സിപിഐഎമ്മിന്റെയും പ്രഖ്യാപിത നിലപാടാണ്
advertisement
മനുഷ്യര്ക്കിടയില് വിദ്വേഷം സൃഷ്ടിക്കുന്ന ഒരു പ്രസ്ഥാനവുമായും സന്ധിയില്ല. സമത്വവും സാഹോദര്യവുമാണ് എന്റെ ആശയം അത് ജീവനുള്ള കാലം വരെ തുടരും അതിന്റെ പ്രചരണത്തിനായി സംസാരിക്കും പൊതുപ്രവര്ത്തനം ചെയ്യും പാട്ടുകളും പാടും
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Alappuzha,Alappuzha,Kerala
First Published :
Jan 20, 2026 9:43 PM IST
മലയാളം വാർത്തകൾ/ വാർത്ത/Kerala/
'മനുഷ്യര്ക്കിടയില് വിദ്വേഷം സൃഷ്ടിക്കുന്ന ഒരു പ്രസ്ഥാനവുമായും സന്ധിയില്ല'; ജമാഅത്തെ വേദിയിൽ പങ്കെടുത്തതിൽ ദലീമ എംഎല്എയുടെ വിശദീകരണം
