MM Mani | 'ഇ.പി ഊതിയാ പറക്കുന്നതാണോ ഊത്തന്മാര്?' പരിഹാസവുമായി എംഎം മണി
- Published by:Jayesh Krishnan
- news18-malayalam
Last Updated:
വീണതല്ല സ്രാഷ്ട്ടാംഗം പ്രണമിച്ചതാണ് കേട്ടോയെന്നും എം.എം മണി
തിരുവനന്തപുരം: യൂത്ത് കോണ്ഗ്രസിനെ പരിഹസിച്ച് മുന്മന്ത്രി എംഎം മണി. ഇ.പി ഊതിയാ പറക്കുന്നതാണോ ഊത്തന്മാരെന്നും വീണതല്ല സ്രാഷ്ട്ടാംഗം പ്രണമിച്ചതാണ് കേട്ടോയെന്നും എം.എം മണി ഫെയ്സ്ബുക്കില് കുറിച്ചു. വിമാനത്തില് നടന്ന പ്രതിഷേധത്തിനെതിരെയായിരുന്നു എംഎം മണിയുടെ പോസ്റ്റ്.
കണ്ണൂരില് നിന്നും തിരുവനന്തപുരത്തേക്കുള്ള യാത്രയ്ക്കിടെ ഇന്ഡിഗോ വിമാനത്തില് മുഖ്യമന്ത്രി പിണറായി വിജയനെതിരേ പ്രതിഷേധമുണ്ടായത്. ഇവരെ ഇ.പി ജയരാജന് തള്ളി താഴെയിടുന്ന വീഡിയോ പ്രചരിച്ചിരുന്നു. പ്രതിഷേധിച്ച് യൂത്ത്കോണ്ഗ്രസ് പ്രവര്ത്തകരെ കഴിഞ്ഞ ദിവസം അറസ്റ്റ് ചെയ്യുകയും ചെയ്തിരുന്നു.
അതേസമയം വിമാനത്തില്വെച്ച് ഇപി ജയരാജന് മര്ദിച്ചെന്ന് കാട്ടി യൂത്ത് കോണ്ഗ്രസ് പ്രവര്ത്തകര് പരാതി നല്കി. വിമാനത്തില് വച്ച് നടന്ന പ്രതിഷേധത്തില് മൂന്ന് യൂത്ത് കോണ്ഗ്രസ് പ്രവര്ത്തകര്ക്ക് എതിരെ വധശ്രമക്കേസെടുത്ത് പൊലീസ്.
advertisement
യൂത്ത് കോണ്ഗ്രസ് മട്ടന്നൂര് ബ്ലോക്ക് പ്രസിഡന്റ് ഫര്സീന് മജീദ്, ജില്ലാ സെക്രട്ടറി ആര് കെ നവീന് അടക്കമുള്ളവര്ക്കെതിരായാണ് കേസെടുത്തിരിക്കുന്നത്. വധശ്രമം, ഔദ്യോഗിക ഡ്യൂട്ടി തടസ്സപ്പെടുത്തല്, എയര് ക്രാഫ്റ്റ് സുരക്ഷയെ ബാധിക്കുന്ന അതിക്രമം എന്നീ വകുപ്പുകള് ചുമത്തിയാണ് കേസെടുത്തിരിക്കുന്നത്.
പ്രതിഷേധക്കാരെ തടയാന് ശ്രമിക്കുന്നതിനിടെ മുഖ്യമന്ത്രിയുടെ ഗണ്മാനും പി.എയ്ക്കും പരിക്കേറ്റതായി ആരോപണം. ഗണ്മാന് അനില്കുമാറിനും പി.എ. സുനീഷിനുമാണ് പരിക്കേറ്റതായി പറയുന്നത്. ഇരുവരും തിരുവനന്തപുരം ജനറല് ആശുപത്രിയില് ചികിത്സ തേടി.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
June 14, 2022 11:31 AM IST
മലയാളം വാർത്തകൾ/ വാർത്ത/Kerala/
MM Mani | 'ഇ.പി ഊതിയാ പറക്കുന്നതാണോ ഊത്തന്മാര്?' പരിഹാസവുമായി എംഎം മണി
