കോടതി സീൽചെയ്ത കടയിലകപ്പെട്ട കുരുവിക്ക് കളക്ടർ ഇടപെട്ട് മോചനം

ഹൈക്കോടതിയുടെ ഉത്തരവിനെത്തുടർന്ന് അടച്ചു പൂട്ടി സീൽചെയ്ത കടയ്ക്കുള്ളിൽ കുടുങ്ങിയ അങ്ങാടി കുരുവിക്ക് ജില്ലാ കളക്ടറുടെ ഇടപെടലിൽ ഒടുവിൽ മോചനം.കണ്ണൂർ ഉളിക്കൽ ടൌണിലുള്ള ഒരു തുണിക്കടയിലാണ് കുരുവി കുടുങ്ങിയത്. വ്യാപാരികൾ തമ്മിലുള്ള നിയമ തർക്കത്തെ തുടർന്ന് ഹൈക്കോടതിയുടെ ഉത്തരവനുസരിച്ച് ആറ് മാസമായി കട അടച്ചിട്ടിരിക്കുകയായിരുന്നു.രണ്ട് ദിവസം മുമ്പാണ് കടയുടെ ഗ്ലാസ് കൂടിനും മെറ്റൽ ഷട്ടറിനും ഇടയിൽ കുരുവി കുടുങ്ങിയത്.