'ഇനി സ്കൂളിലെത്തിയാല് അടിച്ച് കാല് പൊട്ടിക്കും'; മുഖ്യന്ത്രിയ്ക്കെതിരെ പ്രതിഷേധിച്ചയാള്ക്ക് ഭീഷണിയുമായി DYFI
- Published by:Jayesh Krishnan
- news18-malayalam
Last Updated:
മുഖ്യമന്ത്രിയെ ആക്രമിക്കാന് വരുന്നവരെ തെരുവില് നേരിടുമെന്നും പ്രതിരോധിക്കാന് ഞങ്ങള് ഉണ്ടാകുമെന്നും കണ്ണൂര് ജില്ലാ സെക്രട്ടറി എം ഷാജര്
കണ്ണൂര്: മുഖ്യമന്ത്രി പിണറായി വിജയന് എതിരെ വിമാനത്തില് പ്രതിഷേധിച്ചയാള്ക്ക് നേരെ ഭീഷണിയുമായി ഡിവൈഎഫ്ഐ. മുഖ്യമന്ത്രിക്ക് എതിരെ പ്രതിഷേധിച്ച യൂത്ത് കോണ്ഗ്രസ് പ്രവര്ത്തകരിലൊരാളായ ഫര്സീന് മജീദ് മട്ടന്നൂര് യുപി സ്കൂളിലാണ് ജോലി ചെയ്യുന്നത്. ഫര്സീന് മജീദ് ഇനി സ്കൂളിലെത്തിയാല് അടിച്ച് കാല് പൊട്ടിക്കുമെന്ന് ഡിവൈഎഫ്ഐ കണ്ണൂര് ജില്ലാ സെക്രട്ടറി എം ഷാജര് പറഞ്ഞു.
മുഖ്യമന്ത്രിയെ ആക്രമിക്കാന് വരുന്നവരെ തെരുവില് നേരിടുമെന്നും പ്രതിരോധിക്കാന് ഞങ്ങള് ഉണ്ടാകുമെന്നും ഷാജര് പറഞ്ഞു. കണ്ണൂരില് നിന്നും തിരുവനന്തപുരത്തേക്കുള്ള യാത്രയ്ക്കിടെ ഇന്ഡിഗോ വിമാനത്തില് മുഖ്യമന്ത്രി പിണറായി വിജയനെതിരേ പ്രതിഷേധമുണ്ടായത്.
യൂത്ത് കോണ്ഗ്രസ് മട്ടന്നൂര് ബ്ലോക്ക് പ്രസിഡന്റ് ഫര്സീന് മജീദ്, ജില്ലാ സെക്രട്ടറി ആര് കെ നവീന് അടക്കമുള്ളവര്ക്കെതിരായാണ് കേസെടുത്തിരിക്കുന്നത്. വധശ്രമം, ഔദ്യോഗിക ഡ്യൂട്ടി തടസ്സപ്പെടുത്തല്, എയര് ക്രാഫ്റ്റ് സുരക്ഷയെ ബാധിക്കുന്ന അതിക്രമം എന്നീ വകുപ്പുകള് ചുമത്തിയാണ് കേസെടുത്തിരിക്കുന്നത്.
advertisement
കണ്ണൂരില് നിന്ന് പുറപ്പെട്ട വിമാനം തിരുവനനന്തപുരത്ത് ലാന്ഡ് ചെയ്യുന്നതിനിടയിലായിരുന്നു പ്രതിഷേധം. 'പ്രതിഷേധം, പ്രതിഷേധം' എന്ന് വിളിച്ച് എഴുന്നേറ്റ യുവാക്കളെ എല്ഡിഎഫ് കണ്വീനര് ഇപി ജയരാജന് പ്രതിരോധിക്കുകയായിരുന്നു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jun 14, 2022 11:57 AM IST
മലയാളം വാർത്തകൾ/ വാർത്ത/Kerala/
'ഇനി സ്കൂളിലെത്തിയാല് അടിച്ച് കാല് പൊട്ടിക്കും'; മുഖ്യന്ത്രിയ്ക്കെതിരെ പ്രതിഷേധിച്ചയാള്ക്ക് ഭീഷണിയുമായി DYFI
