പാലക്കാട് വരെ എന്താകും ചാർജ്? എറണാകുളം-ബംഗളൂരു വന്ദേഭാരത് എക്സ്പ്രസ് നിരക്കുകൾ പ്രഖ്യാപിച്ചു

കൊച്ചി: കേരളത്തിൻ്റെ മൂന്നാമത്തെ വന്ദേഭാരത് എക്സ്പ്രസ് ട്രെയിനായ എറണാകുളം–കെഎസ്ആർ ബംഗളൂരു സർവീസ് പ്രധാനമന്ത്രി നരേന്ദ്ര മോദി ഓൺലൈനായി ഫ്ലാഗ് ഓഫ് ചെയ്തു. എറണാകുളം റെയിൽവേ സ്റ്റേഷനിൽ നടന്ന ഉദ്ഘാടന ചടങ്ങിൽ ഗവർണർ രാജേന്ദ്ര ആർലേക്കർ, കേന്ദ്ര മന്ത്രിമാരായ ജോർജ് കുര്യൻ, സുരേഷ് ഗോപി എന്നിവർ പങ്കെടുത്തു. ഉദ്ഘാടന സ്പെഷ്യൽ ട്രെയിൻ രാവിലെ 8.50 നാണ് എറണാകുളത്തു നിന്ന് പുറപ്പെട്ടത്. ഈ ട്രെയിൻ വൈകിട്ട് 5.50നു ബംഗളൂരുവിലെത്തും. കേന്ദ്രമന്ത്രി സുരേഷ് ഗോപി തൃശൂർ വരെ ഉദ്ഘാടന ട്രെയിനിൽ യാത്ര ചെയ്തു.