എരുമേലിയിൽ കെഎസ്ആർടിസിക്ക് നഷ്ടം ഏഴു ലക്ഷം; യാത്രക്കാർ മൂന്നിലൊന്നായി

കഴിഞ്ഞ മണ്ഡലകാലത്ത് 58,05,512 രൂപ കളക്ഷൻ കിട്ടിയ സ്ഥാനത്ത് ഇത്തവണ 51,22,030 രൂപയാണ് ലഭിച്ചത്. 6.83 ലക്ഷം രൂപയുടെ കുറവാണ് ഇത്തവണയുണ്ടായത്. കഴിഞ്ഞ തവണ 2,21,864 യാത്രക്കാരുണ്ടായിരുന്നെങ്കിൽ ഇത്തവണ 70,669 യാത്രക്കാർ മാത്രമാണുണ്ടായിരുന്നത്. അതായത് യാത്രക്കാരുടെ എണ്ണം മൂന്നിലൊന്നായി കുറഞ്ഞു. ശബരിമലയിലെ പ്രതിഷേധങ്ങളാണ് യാത്രക്കാരുടെ എണ്ണം കുറയാൻ കാരണം. ഇതുകൂടാതെ എംപാനൽ കണ്ടക്ടർമാരെ പിരിച്ചുവിട്ടതുവഴി സർവീസുകളും മുടങ്ങി. ഇതും കോർപറേഷന് തിരിച്ചടിയായി.