മത്സ്യതൊഴിലാളികളുടെ വള്ളം തകർക്കാൻ കടലിൽ ഒളിഞ്ഞു കിടക്കുന്ന വില്ലൻ; വൈപ്പിനിൽ ഭാഗ്യം കൊണ്ട് രക്ഷപ്പെട്ടത് 50 തൊഴിലാളികൾ

കൊച്ചി. പുലർച്ചെ കൊച്ചിയിൽ നിന്ന് മത്സ്യബന്ധനത്തിന് കടലിൽ പോയ പോയ  ഇൻബോർഡ് വള്ളത്തിൽ 48 ജീവനക്കാരാണ് ഉണ്ടായിരുന്നത് എല്ലാവരും  നല്ലൊരു കോളു പ്രതീക്ഷിച്ചു  കടലിലേക്ക് പുറപ്പെട്ടവർ. പക്ഷേ  ആ സ്വപ്നങ്ങൾ തീരത്തുനിന്ന് മൂന്ന് കിലോമീറ്റർ അകലെ വച്ച് തകർന്നടിഞ്ഞു . ഇത് രണ്ടാം തവണയാണ്  ഇതേ സ്ഥലത്ത് വച്ച് വള്ളം തകരുന്നത്.  കടലിൽ അപകട ഭീഷണിയുയർത്തുന്ന  ഒരു വില്ലൻ ഒളിഞ്ഞു കിടപ്പുണ്ട്. ഏതാനും മാസങ്ങൾക്ക് മുൻപ് ഇവിടെവച്ച് മുങ്ങിയ ബോട്ടിൻ്റെ  അവശിഷ്ടങ്ങളാണ്  കടലിൽ ഇപ്പോഴും നീക്കം ചെയ്യാതെ തിട്ടയിൽ ഉറച്ച് നിൽക്കുന്നത് .  ഇതിൻറെ അവശിഷ്ടങ്ങൾ തട്ടിയാണ് മത്സ്യത്തൊഴിലാളികളുടെ വള്ളങ്ങൾ തകരുന്നത് . ഭാഗ്യംകൊണ്ട് മാത്രമാണ്  അമ്പതോളം മത്സ്യത്തൊഴിലാളികൾക്ക് ജീവൻ തിരിച്ചു കിട്ടിയത് . പിന്നാലെ വന്ന വള്ളങ്ങൾ തക്കസമയത്ത് ഇടപെട്ടത് കൊണ്ട് മാത്രമാണ് ജീവിതത്തിലേക്ക് ഇവർക്ക് തിരിച്ചുകയറാൻ ആയത് .