പാറക്കെട്ടിൽ ആരോ കുടുങ്ങിക്കിടക്കുന്നുവെന്ന് സന്ദേശം; ഹൈഡ്രജൻ നിറച്ച ടെഡി ബെയർ വെച്ച യുവാവിനെതിരെ നടപടി

ഇടുക്കി: പാറക്കെട്ടിനുള്ളിൽ ആരോ കുടുങ്ങിക്കിടക്കുന്നുവെന്ന സന്ദേശം അയച്ച് പൊലീസിനെയും ഫയർഫോഴ്സിനെയും ചുറ്റിച്ച യുവാവ്. രാത്രിയില്‍ മലമുകളില്‍നിന്നു ടോര്‍ച്ചിന്റെ പ്രകാശം കണ്ടെന്നും ആരോ മേടിനു മുകളില്‍ കുടുങ്ങി കിടക്കുന്നുണ്ടെന്നുമായിരുന്നു സന്ദേശം. ചെറുതോണി പാല്‍ക്കുളം മേട്ടിലെ പാറക്കെട്ടിലാണ് ആള് കുടുങ്ങിയെന്ന സന്ദേശം അയച്ച് ചുരുളി ആല്‍പാറ സ്വദേശിയായ യുവാവ് പൊലീസിനെയും ഫയർഫോഴ്സിനെയും വനംവകുപ്പ് ഉദ്യോഗസ്ഥരെയും ചുറ്റിച്ചത്. രാത്രിയിൽ മൂന്ന് മണിക്കൂറോളം നീണ്ട പരിശോധയിൽ കണ്ടെത്തിയത് ഹൈഡ്രജൻ നിറച്ച ടെഡി ബെയർ. വ്യാജ സന്ദേശം നൽകിയ യുവാവിനെതിരെ കേസെടുക്കുമെന്ന് വനംവകുപ്പ് അറിയിച്ചു.