കൺസ്യൂമർഫെഡ് അഴിമതി: പുനഃരന്വേഷണം ആവശ്യപ്പെട്ട് പ്രതിപ്പട്ടികയിലുള്ള മുൻ എംഡി

കൺസ്യൂമർ ഫെഡിലെ ക്രമക്കേടുകൾ വെളിച്ചത്ത് കൊണ്ടുവന്ന 2013 ലെ ഓപ്പറേഷൻ അന്നപൂർണ്ണ വിജിലൻസ് റെയ്ഡിന് ശേഷം രജിസ്റ്റർ ചെയ്ത 15 കേസുകളിലാണ് റിജി പ്രതിയായിട്ടുള്ളത്.ഈ കേസുകളുടെ പട്ടിക ഉൾപ്പെടുത്തിയ കത്താണ് മുഖ്യമന്ത്രിക്ക് കൈമാറിയത്.

എംഡി ആയതിന്റെ മുൻ വിധിയിലാണ് പല കേസുകളും ചുമത്തപ്പെട്ടതെന്ന് കത്തിൽ പറയുന്നു. പല ജില്ലകളിലും രജിസ്റ്റർ ചെയ്ത കേസുകൾ ആയതിനാൽ തുടർച്ചയായ യാത്ര ബുദ്ധിമുട്ട് സൃഷ്ടിക്കുന്നുണ്ട്. 90% കേസുകളും സിഐ-ഡിവൈഎസ്പി തലങ്ങളിൽ രജിസ്റ്റർ ചെയ്യപ്പെട്ടവയാണ്. ഇതിന് മറ്റ് ഉയർന്ന ഉദ്യോഗസ്ഥരുടെ അനുവാദം ഉണ്ടായിരുന്നില്ല. ഒരേ വിഷയത്തിൽ ഒന്നിൽ കൂടുതൽ അന്വേഷണമാണ് നടക്കുന്നത്. 30 വർഷമായി ചികിത്സയിൽ കഴിയുന്ന തനിക്ക് കേസ് നടത്താനുള്ള സാമ്പത്തിക സ്ഥിതിയില്ല. ആയതിനാൽ കൺസ്യൂമർ ഫെഡ് കേസുകൾ സംസ്ഥാന തലത്തിൽ ഒരേജൻസിക്ക് കീഴിലാക്കുന്ന ഏകോപിതസംവിധാനം വേണം. കത്തിൽ പറയുന്നു.