കുപ്രസിദ്ധ മോഷ്ടാവ് ആട് ആന്‍റണി കുത്തിപരിക്കേൽപ്പിച്ച മുൻ എസ്ഐ ജോയി അന്തരിച്ചു
- Published by:Anuraj GR
- news18-malayalam
Last Updated:
പാരിപ്പള്ളി ജവഹര്‍ ജങ്ഷനില്‍ രാത്രി വാഹന പരിശോധന നടത്തുന്നതിനിടെയാണ് ആട് ആന്‍റണി പൊലീസ് ഡ്രൈവർ മണിയൻപിള്ളയെ കുത്തിക്കൊന്നത്, തടയാൻ ശ്രമിച്ച ഗ്രേഡ് എസ്ഐ ജോയിക്കും കുത്തേറ്റു
കൊല്ലം: കുപ്രസിദ്ധ മോഷ്ടാവ് ആട് ആന്‍റണി കുത്തിപരിക്കേൽപ്പിച്ച മുൻ എസ്ഐ ജോയി അന്തരിച്ചു. പൂയപ്പള്ളി ചെങ്കുളം പനവിളവീട്ടില്‍ കെ.ജോയി (62) അസുഖത്തെതുടര്‍ന്നാണ് മരിച്ചത്. 2012 ജൂണ്‍ 26നാണ് കുണ്ടറ പടപ്പക്കര സ്വദേശിയായ ആട് ആന്‍റണിയെന്ന് വിളിക്കുന്ന ആന്‍റണി വര്‍ഗീസ് ഡ്യൂട്ടിക്കിടെ ജോയിയെ കുത്തിപ്പരിക്കേല്‍പ്പിക്കുകയും പൊലീസ് ഡ്രൈവര്‍ പൂയപ്പള്ളി മീയണ്ണൂര്‍ കൈതപ്പുരക്കല്‍ വീട്ടില്‍ മണിയന്‍പിള്ളയെ കുത്തിക്കൊല്ലുകയും ചെയ്തത്. പാരിപ്പള്ളി ജവഹര്‍ ജങ്ഷനില്‍ രാത്രി വാഹന പരിശോധന നടത്തുന്നതിനിടെയാണ് ആട് ആന്‍റണി പൊലീസുകാരെ ആക്രമിച്ചത്.
മോഷ്ടിച്ച സാധനങ്ങളുമായി വരുന്നതിനിടെ ആട് ആന്‍റണിയുടെ വാഹനം അന്ന് ഗ്രേഡ് എസ്.ഐ ആയിരുന്ന ജോയി തടഞ്ഞുനിര്‍ത്തി പരിശോധിച്ചു. സംശയം തോന്നിയ ആട് ആന്‍റണിയെ കസ്റ്റഡിയിലെടുത്ത് പൊലീസ് ജീപ്പിൽ കയറ്റിയതിന് പിന്നാലെയാണ് ഇയാൾ കൈയിൽ കരുതിയിരുന്ന കത്തി ഉപയോഗിച്ച് പൊലീസ് ഡ്രൈവർ മണിയൻ പിള്ളയെ കുത്തിയത്. തടയാൻ ശ്രമിച്ച ജോയിയെയും ആട് ആന്‍റണി കുത്തി. ഇതിനുശേഷം ഇയാൾ സംഭവസ്ഥലത്തുനിന്ന് ഓടി രക്ഷപെടുകയും ചെയ്തു.
advertisement
ഈ സംഭവം കഴിഞ്ഞ് മൂന്നുവർഷത്തിനൊടുവിൽ 2015 ഒക്ടോബര്‍ 13ന് പാലക്കാട് ഗോപാലപുരത്തുനിന്ന് പ്രത്യേക അന്വേഷണസംഘമാണ് ആട് ആന്‍റണിയെ പിടികൂടിയത്. ഇയാള്‍ ഇപ്പോള്‍ ജയിലിലാണ്.
2016 മേയില്‍ പാരിപ്പള്ളി സ്റ്റേഷനില്‍ എസ്.ഐ ആയാണ് ജോയി സര്‍വിസില്‍ നിന്ന് വിരമിച്ചത്. ഭാര്യ: മേരിക്കുട്ടി ജോയി. മക്കള്‍: ജോബിന്‍ കെ. ജോയി, ജിജി കെ. ജോയി, മരുമക്കള്‍: റീമ എസ്തേര്‍ ജേക്കബ് പണിക്കര്‍, ഫാ. തോമസ് പുന്നൂസ്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kollam,Kollam,Kerala
First Published :
March 12, 2023 2:56 PM IST
മലയാളം വാർത്തകൾ/ വാർത്ത/Kerala/
കുപ്രസിദ്ധ മോഷ്ടാവ് ആട് ആന്‍റണി കുത്തിപരിക്കേൽപ്പിച്ച മുൻ എസ്ഐ ജോയി അന്തരിച്ചു
