ALERT; അതിതീവ്ര മഴ തുടരും; എട്ട് ജില്ലകളിൽ റെഡ് അലേർട്ട്
Last Updated:
വടക്കൻ ജില്ലകളിലാണ് അതിതീവ്ര മഴ തുടരുന്നത്.
തിരുവനന്തപുരം: സംസ്ഥാനത്ത് കനത്ത മഴ തുടരുന്നു. ഏഴ് ജില്ലകളില് ഇന്ന് റെഡ് അലര്ട്ട് പ്രഖ്യാപിച്ചു. വരുംദിവസങ്ങളിലും മഴ തുടരുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. മത്സ്യത്തൊഴിലാളികളോട് കടലിൽ പോകരുതെന്ന് നിർദേശമുണ്ട്. ഇതുവരെ 44 പേരാണ് മഴക്കെടുതികളിൽ മരിച്ചത്. ശക്തമായ മഴ തുടരുന്ന സാഹചര്യത്തിൽ ആലപ്പുഴയിൽ ഇന്ന് നടക്കേണ്ടിയിരുന്ന നെഹ്റു ട്രോഫി വള്ളം കളി റദ്ദാക്കി.
വടക്കൻ ജില്ലകളിലാണ് അതിതീവ്ര മഴ തുടരുന്നത്. വയനാട്, മലപ്പുറം, കോഴിക്കോട്, എറണാകുളം, ഇടുക്കി, പാലക്കാട്, കണ്ണൂർ, കാസർകോഡ് ജില്ലകളിലാണ് റെഡ് അലേര്ട്ട് പ്രഖ്യാപിച്ചിട്ടുള്ളത്. ഈ ജില്ലകളിലുള്ളവരോട് ജാഗ്രത പാലിക്കാനും നിർദേശം നൽകിയിട്ടുണ്ട്.
അതിശക്ത മഴയ്ക്ക് സാധ്യതയുള്ളതിനാൽ നാല് ജില്ലകളിൽ ഓറഞ്ച് അലേർട്ടും പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, കോട്ടയം, തൃശൂർ, ജില്ലകളിലാണ് ഓറഞ്ച് അലേർട്ട് പ്രഖ്യാപിച്ചിരിക്കുന്നത്.
തെക്കൻ കേരളത്തിലും മഴ ശക്തമാവുകയാണ്. തിരുവനന്തപുരത്തും പത്തനംതിട്ടയിലും കനത്തമഴ. കൊല്ലത്ത് മഴയ്ക്കൊപ്പം ശക്തമായ കാറ്റ് വീശുന്നുണ്ട്. ആലപ്പുഴയില് കഴിഞ്ഞ രാത്രി മുഴുവൻ മഴ പെയ്തു.തീരങ്ങളിൽ കടലാക്രമണം രൂക്ഷമായിരിക്കുകയാണ്. തിരുവനന്തപുരം, കൊല്ലം ജില്ലകളിൽ യെല്ലോ ആലേർട്ട് ഉണ്ട്.
advertisement
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Aug 10, 2019 8:19 AM IST
