ഉയർന്ന നാണ്യപ്പെരുപ്പം എന്നാൽ വിലക്കയറ്റം എന്നല്ല അർഥം; മന്ത്രി ജി. ആർ അനിൽ

തിരുവനന്തപുരം: ഏറ്റവും ഉയർന്ന നാണ്യപ്പെരുപ്പം കേരളത്തിലാണെന്നു പറഞ്ഞാൽ ഏറ്റവും ഉയർന്ന വില കേരളത്തിലാണെന്ന് അർഥമില്ലെന്ന് മന്ത്രി ജി.ആർ.അനിൽ പറഞ്ഞു. കേവലവിലകൾ താഴ്ന്നുനിന്നാലും നാണ്യപ്പെരുപ്പം കൂടാം. മറിച്ചും സംഭവിക്കാം. രണ്ടു വർഷം മുൻപ് ഉപഭോക്തൃവില സൂചിക പ്രകാരം ദേശീയതലത്തിൽ ഏറ്റവും താഴ്ന്ന വില കേരളത്തിലായിരുന്നു. 2020 മുതൽ 2024 വരെയുള്ള സാമ്പത്തിക വർഷങ്ങളിലെ നാണ്യപ്പെരുപ്പത്തിന്റെ കണക്കുകൾ പ്രകാരം കേരളത്തിന്റെ റാങ്ക് യഥാക്രമം 14, 15, 17 എന്നിങ്ങനെയായിരുന്നു. നാണ്യപ്പെരുപ്പത്തിലെ ഹ്രസ്വകാല വർധന താത്കാലിക പ്രതിഭാസമാണ്.