ഒത്തുകൂടാം ഒരുമിച്ച് എന്ന സന്ദേശവുമായി ആറളം ട്രൈബൽ ഫെസ്റ്റിന് തുടക്കം കുറിച്ചു

കുടുംബശ്രീ കണ്ണൂർ ജില്ലാ മിഷൻ്റെ നേതൃത്വത്തിൽ ആറളം പട്ടികവർഗ്ഗ പ്രത്യേക പദ്ധതിയുടെ ഭാഗമായി വനിതാ ദിനത്തോട് അനുബന്ധിച്ച് ആറളം ട്രൈബൽ ഫെസ്റ്റിന് തുടക്കമായി. ഒത്തുകൂടാം ഒരുമിച്ച് എന്നർത്ഥം വരുന്ന 'ഒക്കായി ഒത്തുകൂടുഞ്ചേരു' എന്ന മുദ്രാവാക്യവുമായി ആറളം തദ്ദേശിയ മേഖലയിലെ ബാലസഭ, അയൽക്കൂട്ടം, ഓക്സിലറി, ഷീ ക്ലബ്‌, യൂത്ത് ക്ലബ്‌, ബ്രിഡ്ജ് കോഴ്സ് വിദ്യാർത്ഥികൾ എന്നിവരുടെ ഒത്തുകൂടലും വിവിധ തനതു കലാ പരിപാടികളുടെ അവതരണവും ഫാം സ്കൂളിൽ രണ്ട് ദിവസങ്ങളിൽ ആയി നടന്നു.