മാതൃകാപരമായ പ്രവർത്തനങ്ങളിലൂടെ മുന്നിലെത്തി ചക്കരക്കല്ല് പോലീസ് സ്റ്റേഷൻ
Last Updated:
കണ്ണൂരിലെ മികച്ച പോലീസ് സ്റ്റേഷനായി ചക്കരക്കല്ല് പോലീസ് സ്റ്റേഷൻ. 26 സ്റ്റേഷനുകളില് വെച്ച് ഏറ്റവും മികച്ച പ്രവര്ത്തനം കാഴ്ചവെച്ചതിലൂടെയാണ് നേട്ടം.
കണ്ണൂർ ജില്ലയിലെ ഈ വർഷത്തെ മികച്ച പോലീസ് സ്റ്റേഷനായി ചക്കരക്കല്ല് പോലീസ് സ്റ്റേഷനെ തിരഞ്ഞെടുത്തു. കണ്ണൂര് സിറ്റി പരിധിയില് വരുന്ന 26 സ്റ്റേഷനുകളില്വെച്ച് ഏറ്റവും മികച്ച പ്രവര്ത്തനം കാഴ്ചവെച്ച പോലീസ് സ്റ്റേഷനായി പരിശോധകസംഘം ചക്കരക്കല്ലിനെ തിരഞ്ഞെടുക്കുകയായിരുന്നു.
കണ്ണൂര് സിറ്റി പോലീസ് കമ്മിഷണര് പി. നിധിന് രാജില് നിന്ന് ചക്കരക്കല്ല് ഇന്സ്പെക്ടര് എം.പി. ഷാജി ട്രോഫി ഏറ്റുവാങ്ങി. ഓഫീസിലെ ഫയലുകള് അടുക്കും ചിട്ടയോടും കൂടി സൂക്ഷിക്കല്, കേസ് ഫയലുകളും മറ്റു വിവരങ്ങളും കൃത്യമായ രീതിയിലും യഥാവിധിയിലും കോടതിയില് കൈമാറല്, സ്റ്റേഷനും പരിസരവും ശുചീകരിക്കല്, ഉപകരണമടക്കമുള്ളവയും സ്റ്റേഷൻ്റെ മറ്റ് ആസ്തികള് യഥാവിധി സൂക്ഷിക്കുകയും സംരക്ഷിക്കുകയും ചെയ്യുക തുടങ്ങിയ കാര്യങ്ങള് മികച്ചരീതിയില് കൈകാര്യം ചെയ്തതിനാണ് അംഗീകാരം ലഭിച്ചത്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kannur,Kerala
First Published :
September 17, 2025 6:16 PM IST
മലയാളം വാർത്തകൾ/ വാർത്ത/Kannur/
മാതൃകാപരമായ പ്രവർത്തനങ്ങളിലൂടെ മുന്നിലെത്തി ചക്കരക്കല്ല് പോലീസ് സ്റ്റേഷൻ
