കണ്ണൂരിന് അഭിമാനം, ജില്ലയിൽ നിന്നുള്ള ആദ്യ ബിസിസിഐ അംപയറായി ജിഷ്ണു അജിത്ത്

കേരളത്തിൽ നിന്ന് വിഷ്ണുവിന് പുറമെ മലപ്പുറത്ത് നിന്നുള്ള എം എസ് ഭരതും വിജയിച്ചിട്ടുണ്ട്. പ്രാകടിക്കൽ, വൈവ, അവതരണം, എഴുത്ത് പരീക്ഷ എന്നിങ്ങനെ നാല് ഭാഗമായി നടന്ന പരീക്ഷയിൽ 150 ൽ 135 മാർക്ക് നേടി ആറാം റാങ്ക് കരസ്ഥമാക്കിയ ജിഷ്ണുവിന് ഇനി ബി സി സി ഐ യുടെ മൽസരങ്ങൾ നിയന്ത്രിക്കാനാവും.

2020 ൽ കെസിഎ പാനൽ അംപയറിങ്ങ് പരീക്ഷയിൽ രണ്ടാം റാങ്ക് കരസ്ഥമാക്കിയിരുന്നു. ജിഷ്ണുവിൻ്റെ ചിട്ടയായ പഠനവും കേരളത്തിൽ നിന്നുളള ഇൻ്റർനാഷനൽ അംപയറായ കെ എൻ അനന്തപദ്മനാഭൻ അടക്കമുള്ള മുതിർന്ന അംപയർമാരുടെ ക്ലാസുകളുമാണ് അദ്ദേഹത്തിന് ഈ നേട്ടം കൈവരിക്കാൻ സാധിച്ചത്. തോട്ടട മാധവത്തിൽ അജിത്ത് കുമാറിൻ്റേയും ശ്രീജ അജിത്തിൻ്റേയും മകനായ ജിഷ്ണു അജിത്ത് സിവിൽ എൻജിനീയറിങ്ങ് ബിരുദധാരിയാണ്. വിഷ്ണു അജിത്ത് ഏക സഹോദരനാണ്.