പച്ചക്കറി, വാഴ, ചേന, ചേമ്പ്… ഓണകനി വിളവെടുപ്പ് കണ്ണൂരിൽ ആരംഭിച്ചു

ഓണം വിപണി ലക്ഷ്യമിട്ട് കുടുംബശ്രീ ഓണകനി വിളവെടുപ്പ് ആരംഭിച്ചു. കുടുംബശ്രീ കണ്ണൂര്‍ ജില്ലാ മിഷൻ്റെ അഭിമുഖ്യത്തില്‍ നടപ്പിലാക്കുന്ന ഓണകനി പദ്ധതിയുടെ വിളവെടുപ്പ് വിവിധ സി ഡി എസ്സുകളിലാണ് തുടങ്ങിയത്. ജില്ലയില്‍ ഓണം വിപണി ലക്ഷ്യമാക്കി 5007 ജെഎല്‍ജി ഗ്രൂപ്പിലെ 17571 മഹിളാ കര്‍ഷകര്‍ 847.24 ഹെക്ടറില്‍ വിവിധ വിളകള്‍ കൃഷി ചെയ്തിട്ടുണ്ട്. 486.3 ഏക്കര്‍ സ്ഥലത്ത് പച്ചകറികള്‍, വാഴ 607.5 എക്കര്‍, ചേന 420 ഏക്കര്‍, ചേമ്പ് 221.5 ഏക്കര്‍, ഇഞ്ചി 155.8 ഏക്കര്‍, പൂവ് 202.5 ഏക്കര്‍ കൃഷി ചെയ്തിട്ടുണ്ട്. മാലൂര്‍ പഞ്ചായത്തിലെ കുടുംബശ്രീയുടെ നേതൃത്വത്തില്‍ നടത്തിയ ഒണക്കനി പച്ചക്കറി വിളവെടുപ്പ് ഗ്രാമ പഞ്ചായത്ത് പ്രസിഡൻ്റ് വി ഹൈമാവതി ഉദ്ഘാടനം ചെയ്തു.