ഇത് താൻ മോഡല്‍, കണ്ണൂര്‍ ആദ്യ അതിദാരിദ്ര്യ മുക്ത ജില്ല

കേരളം എല്ലാ മേഖലയിലും മറ്റ് സംസ്ഥാനങ്ങള്‍ക്ക് മാതൃകയാണ്, യഥാര്‍ത്ഥത്തില്‍ ഇതാണ് കേരള മോഡലെന്ന് മന്ത്രി അഭിപ്രായപ്പെട്ടു. മാലിന്യമുക്തമാക്കുന്നതിലും ഡിജിറ്റല്‍ സാക്ഷരത കൈവരിക്കുന്നതിലും എല്ലാത്തിനും കേരളം മറ്റു സംസ്ഥാനങ്ങളെ അപേക്ഷിച്ച് മത്സരിക്കുകയാണ്. ഡിജിറ്റല്‍ സാക്ഷരത കൈവരിക്കാന്‍ ഇന്ത്യയില്‍ ഏതാനും ആഴ്ച കൂടി മാത്രമേ ബാക്കിയുള്ളു. ഓഗസ്റ്റ് 21ന് സമ്പൂര്‍ണ സാക്ഷരത ഡിജിറ്റല്‍ സംസ്ഥാനമായി കേരളത്തെ പ്രഖ്യാപിക്കുന്നതോടെ വലിയ മാറ്റത്തിനാണ് തുടക്കമിടുന്നതെന്നും എം ബി രാജേഷ് പറഞ്ഞു.

ഭക്ഷണം, ആരോഗ്യം, സുരക്ഷിതമായ താമസ സ്ഥലം, അടിസ്ഥാന വരുമാനം എന്നിവയില്ലാത്ത അര്‍ഹരായ 3973 കുടുംബാംഗങ്ങളെ കണ്ടെത്തുകയും ആവശ്യാനുസരണം മൈക്രോപ്ലാന്‍ തയ്യാറാക്കിയാണ് അതിദാരിദ്ര്യ മുക്ത ജില്ലയായി പ്രഖ്യാപിക്കുന്നതിൻ്റെ ആദ്യഘട്ടമെന്ന നിലയില്‍ നടത്തിയത്. പിന്നീട് ആവശ്യാനുസരണം അര്‍ഹരായവര്‍ക്ക് വേണ്ട സംവിധാനം ഒരുക്കി നല്‍കി. ഇതിന് പിന്നാലെയാണ് ജില്ല മികച്ച നേട്ടം കൈവരിച്ചത്.

സംസ്ഥാനത്ത് ആദ്യമായി അതിദാരിദ്ര്യ മുക്തമായി പ്രഖ്യാപിച്ച കുറ്റിയാട്ടൂര്‍ ഗ്രാമപഞ്ചായത്ത്, എടക്കാട് ബ്ലോക്ക് പഞ്ചായത്ത്, ധര്‍മടം നിയമസഭാ നിയോജക മണ്ഡലം എന്നിവയും കണ്ണൂര്‍ ജില്ലയിലാണ്.