Kerala Weather: ചുട്ടുപൊള്ളി കേരളം; ഇടുക്കിയിൽ അൾട്രാവയലറ്റ് സൂചിക ഓറഞ്ച് അലർട്ട്; 4 ജില്ലകൾ യെല്ലോ അലർട്ട്

തിരുവനന്തപുരം: കേരളത്തിൽ ചൂട് വർധിക്കുന്നതിനൊപ്പം അൾട്രാവയലറ്റ് (UV) രശ്മികളുടെ സാന്നിധ്യവും ഉയരുന്നതായി കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. കഴിഞ്ഞ 24 മണിക്കൂറിനുള്ളിൽ ഏറ്റവും ഉയർന്ന യുവി ഇൻഡക്സ് രേഖപ്പെടുത്തിയത് ഇടുക്കി ജില്ലയിലാണ്. അതിനാൽ ദുരന്തനിവാരണ അതോറിറ്റി ഇടുക്കിയിൽ ഓറഞ്ച് അലർട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, വയനാട് എന്നീ ജില്ലകളിൽ യുവി സൂചിക 6 രേഖപ്പെടുത്തി. ഈ ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഈ സാഹചര്യത്തിൽ ജനങ്ങൾ അതീവ ജാഗ്രത പാലിക്കണമെന്ന് അധികൃതർ നിർദ്ദേശിച്ചു.