വൈഷമ്യമില്ല; എത്ര വേണമെങ്കിലും അന്വേഷിച്ചോട്ടെയെന്ന് കെ.എം മാണി
Last Updated:
കോട്ടയം: ബാര് കോഴക്കേസുമായി ബന്ധപ്പെട്ട് വിജിലന്സ് കോടതിയുടെ പുതിയ വിധിയില് തനിക്ക് വൈഷമ്യമില്ലെന്ന് കെ.എം മാണി. എത്രവേണമെങ്കിലും അന്വേഷിച്ചോട്ടെ. യു.ഡി.എഫ്, എല്.ഡി.എഫ് സര്ക്കാരുകള് അന്വേഷിച്ച് കുറ്റവിമുക്തനാക്കിയതാണ്. നീതിക്കുവേണ്ടിയുള്ള പോരാട്ടം തുടരും. തെറ്റ് ചെയ്തില്ലെന്ന് എല്ലാ സര്ക്കാരുകളും റിപ്പോര്ട്ട് നല്കിയതാണെന്നും മാണ് പ്രതികരിച്ചു.
ബാര് കോഴക്കേസില് മാണിയെ കുറ്റവിമുക്തനാക്കികൊണ്ടുള്ള വിജിലന്സ് റിപ്പോര്ട്ട് കോടതി തള്ളിയിരുന്നു. അന്വേഷണം പൂര്ണമല്ലെന്നും അതിനാല് റിപ്പോര്ട്ട് തള്ളുന്നുവെന്നും കോടതി വ്യക്തമാക്കി. കേസില് സര്ക്കാരിന്റെ അനുമതിയോടെ തുടരന്വേഷണം നടത്താനും കോടതി വിജിലന്സിനോട് നിര്ദേശിച്ചു.
സാഹചര്യത്തെളിവുകളും ശാസ്ത്രീയ തെളിവുകളും അനുകൂലമല്ലാത്തതിനാല് കേസ് നിലനില്ക്കില്ലെന്നായിരുന്നു വിജിലന്സ് റിപ്പോര്ട്ട്. പൂട്ടിയ ബാറുകള് തുറക്കുന്നതിനു ധനമന്ത്രിയായിരുന്ന കെ.എം. മാണി ഒരുകോടി രൂപ കൈക്കൂലി വാങ്ങിയെന്നതാണു കേസ്
advertisement
ബാറുടമ ബിജു രമേശ് നടത്തിയ ആരോപണത്തില് 2014 ഡിസംബര് പത്തിനാണു മാണിയെ പ്രതിയാക്കി ബാര് കോഴക്കേസില് എഫ്ഐആര് റജിസ്റ്റര് ചെയ്തത്. യുഡിഎഫ് കാലത്തുള്പ്പെടെ മൂന്നു അന്വേഷണ റിപ്പോര്ട്ടുകള് വിജിലന്സ് കോടതിയില് സമര്പ്പിച്ചു. എല്ഡിഎഫ് സര്ക്കാര് അധികാരത്തിലെത്തിയശേഷം സമര്പ്പിച്ച രണ്ടു റിപ്പോര്ട്ടിലടക്കം മൂന്നിലും തെളിവില്ലെന്നായിരുന്നു വിജിലന്സ് നിലപാട്.
മാണിയുടെ വസതിയില് ബാര് അസോസിയേഷന് പ്രതിനിധികള് ശേഖരിച്ച പണവുമായി എത്തിയിരുന്നെന്നും എന്നാല് പണം മാണിക്കു കൈമാറിയതായി ഒരു സാക്ഷിപോലും പറഞ്ഞിട്ടില്ലെന്നും വിജിലന്സ് സമര്പ്പിച്ച റിപ്പോര്ട്ടില് പറയുന്നുണ്ട്. അതേസമയം, ശരിയായ അന്വേഷണം നടന്നിട്ടില്ലെന്നും പുനരന്വേഷണത്തിനു ഉത്തരവിടണമെന്നുമാണ് വി.എസ്. അച്യുതാനന്ദന് അടക്കമുള്ള ഹര്ജിക്കാരുടെ ആവശ്യം.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Sep 18, 2018 4:14 PM IST
