സുഡിയോ ബഹിഷ്കരണം;'എസ്ഐഒ മുസ്ലിം സമൂഹത്തിന്റെ പേരിൽ അവിവേകം ചെയ്യുന്നത് ആദ്യമായല്ല': കെഎൻഎം

വഖഫ് നിയമഭേദഗതിക്കെതിരെ രാജ്യമൊട്ടുക്ക് സമരം നടക്കുന്നതിനിടയിൽ കോഴിക്കോട് എയർപോർട്ടിലേക്ക് മാർച്ച് നടത്തി എസ്ഐഒ അവിവേകം കാട്ടിക്കൂട്ടി

ഇപ്പോൾ സുഡിയോഔട്ട്ലെറ്റുകൾ ബഹിഷ്കരിക്കാനുള്ള ആഹ്വാനവുമായി പ്രത്യക്ഷപ്പെട്ടിരിക്കുകയാണ്. സമൂഹത്തിൽ സാന്നിധ്യം അറിയിക്കുന്നതിന് വേണ്ടി അവർ ചെയ്യുന്ന വികാരപ്രകടനങ്ങൾ രാജ്യത്തെ മുസ്ലിം ന്യൂനപക്ഷങ്ങളെ എങ്ങനെ പ്രതികൂലമായി ബാധിക്കുന്നു എന്ന് ഇവർ ചിന്തിക്കാറില്ല.ജമാഅത്തെ ഇസ്ലാമിയും അവരുടെ നേതാക്കളും പറഞ്ഞു മനസ്സിലാക്കി കൊടുക്കാറുമില്ല.നമ്മുടെ നാട്ടിൽ പരസ്പരം ബിസിനസ് സ്ഥാപനങ്ങൾ ബഹിഷ്കരിക്കാൻ തുടങ്ങിയാൽ അതിന്റെ നഷ്ടം ആർക്കാണ് സംഭവിക്കുക എന്നത് ആവറേജ് ബുദ്ധിയുള്ള ആർക്കും മനസ്സിലാക്കാൻ കഴിയുന്ന കാര്യമാണ് . ഈ ബഹിഷ്കരണം വെറുപ്പും വിദ്വേഷവും പടർത്തുന്നതിലേക്കും അക്രമത്തിലേക്കുമെല്ലാം നയിക്കാൻ ഇടവരുന്നതാണ്. അതുവഴി രാജ്യത്തെ മുസ്ലിം ന്യൂനപക്ഷത്തിന് സാമ്പത്തികമായ തകർച്ചയും പിന്നാക്കം പോക്കും ഉണ്ടാകുമെന്നും ഇതൊന്നും ആലോചിക്കാതെയാണ് ബീഡിയെടുത്ത് കത്തിച്ച് സ്വന്തം തലയ്ക്ക് തീ വെക്കുന്ന എസ് ഐ ഒയടെ ഈ ഏർപ്പാടെന്നും അബ്ദുൽ മജീദ് സ്വലാഹി ഫേസ്ബുക്കിലെഴുതി.

വികാരങ്ങൾക്ക് തീ കൊടുത്ത് മൈലേജ് ഉണ്ടാക്കുക എന്നത് മാത്രമാണ് ഇതുപോലുള്ള കൂട്ടങ്ങളുടെയെല്ലാം മുഖ്യ അജണ്ടയെന്നും അത് മുസ്ലിം ന്യൂനപക്ഷം തിരിച്ചറിഞ്ഞ് ഈ വികാരക്കൂട്ടങ്ങളെ അടക്കി നിർത്താൻ ആവുന്നത് ചെയ്യണമെന്നും അദ്ദേഹം പറഞ്ഞു.