കൊടുമുടി കീഴടക്കാൻ കഴിയാത്ത അഞ്ചലിലെ കുടുക്കത്ത് പാറ

കൊല്ലം ജില്ലയിലെ അഞ്ചലിനടുത്തുള്ള അലയമൺ പഞ്ചായത്തിലാണ് കുടുക്കത്ത് പാറ സ്ഥിതി ചെയ്യുന്നത്. നിരവധി സന്ദർശകർ എത്തിക്കൊണ്ടിരിക്കുന്ന ഒരു ടൂറിസം കേന്ദ്രമായി ഇത് ഉയർന്നുവരുന്നു. ഈ പാറയുടെ മുകളിൽ നിന്ന് കേരളത്തിലെ നാല് ജില്ലകളും തമിഴ്നാടും കാണാൻ സാധിക്കും എന്ന് പറയപ്പെടുന്നു. കുടുക്കത്ത് പാറ സമുദ്രനിരപ്പിൽ നിന്നും 840 മീറ്റർ ഉയരത്തിലാണ് സ്ഥിതി ചെയ്യുന്നത്. മൂന്ന് പാറകൾ ചേർന്ന് വലിയ ഒരു കുന്നുപോലെ ഇത് കാണപ്പെടുന്നു. ഈ പാറയുടെ ഏറ്റവും മുകളിൽ ഇത് വരെ ആർക്കും കയറാൻ സാധിച്ചിട്ടില്ല എന്നാണ് പറയപ്പെടുന്നത്. സാധാരണയായി ഇവിടെ കയറുന്നവർക്ക് ഏകദേശം 750 മീറ്ററോളം ഉയരം വരെ കയറാൻ സാധിച്ചിട്ടുണ്ട്. ബ്രിട്ടീഷുകാരുടെ കാലഘട്ടം മുതൽ തന്നെ ഈ പാറ പ്രശസ്തമായിരുന്നു എന്നാണ് പറയപ്പെടുന്നത്.