വായനപക്ഷാചരണം: വേറിട്ട പുസ്തകപരിചയ മത്സരവുമായി സർക്കാർ

പ്രിയപ്പെട്ട പുസ്തകത്തെ അവതരിപ്പിക്കുക മാത്രമാണ് ചെയ്യേണ്ടത്. എന്തുകൊണ്ടാണ് ഈ പുസ്തകത്തെ ഇഷ്ടപ്പെടുന്നത് എന്നു വ്യക്തമാക്കുന്ന 100 വാക്കിൽ കവിയാത്ത കുറിപ്പും പുസ്തകത്തിനൊപ്പം നിൽക്കുന്ന മത്സരാർഥിയുടെ വ്യക്തമായ ചിത്രവും 9847998894 എന്ന വാട്‌സ് ആപ്പ് നമ്പറിൽ അയച്ചുനൽകണം.

നിങ്ങളുടെ ഇഷ്ട പുസ്തകം, മറ്റുള്ളവർ വായിച്ചിരിക്കണമെന്നു നിങ്ങൾ കരുതുന്ന പുസ്തകം, വായിച്ച പുതിയ പുസ്തകം, സ്വാധീനിച്ച പുസ്തകം എന്നിങ്ങനെ നിങ്ങൾക്കു താൽപര്യമുള്ള ഒരു പുസ്തകവും അതിനെക്കുറിച്ചുള്ള കുറിപ്പുമാണ് അവതരിപ്പിക്കേണ്ടത്. പുസ്തകത്തിൻ്റെ പേര്, രചയിതാവിൻ്റെ പേര്, ഏതു വിഭാഗത്തിൽ വരുന്ന പുസ്തകമാണ് (കഥ, നോവൽ, ജീവചരിത്രം, പഠനം... എന്നിങ്ങനെ) എന്നീ വിവരങ്ങളും മത്സരാർഥിയുടെ പേര്, വയസ്, വിലാസം, സ്‌കൂൾ, ക്ലാസ്, ബന്ധപ്പെടാനുള്ള ഫോൺനമ്പർ എന്നിവയും കുറിപ്പിനൊപ്പം നൽകണം. വായന പക്ഷാചരണത്തിനു തുടക്കം കുറിക്കുന്ന ജൂൺ 19 മുതൽ ജൂലൈ ഒന്നുവരെ ഈ മത്സരത്തിൽ പങ്കെടുക്കാം. എൻട്രികളിൽ പ്രസിദ്ധീകരണയോഗ്യമായവ ജില്ലാ ഇൻഫർമേഷൻ ഓഫീസിൻ്റെ ഫെയ്‌സ്ബുക്ക് പേജിൽ പുസ്തകവുമായുള്ള മത്സരാർഥിയുടെ ചിത്രം സഹിതം പോസ്റ്റ് ചെയ്യും. സ്‌കൂൾ വിഭാഗത്തിലും (ഹൈസ്‌കൂൾ, ഹയർ സെക്കൻഡറി) കോളജ് വിഭാഗത്തിലും ഏറ്റവും മികച്ച മൂന്നു കുറിപ്പുകൾക്ക് ആകർഷകമായ സമ്മാനങ്ങളും നൽകും. സമ്മാനങ്ങൾ ജൂലൈ ഏഴിനു നാട്ടകം അക്ഷരം മ്യൂസിയത്തിൽ നടക്കുന്ന വായന പക്ഷാചരണത്തിൻ്റെ സമാപനച്ചടങ്ങിൽ വിതരണം ചെയ്യും.