ആയുർവേദത്തിൻ്റെ ആസ്ഥാനമായി കേരളം; അന്താരാഷ്ട്ര വെൽനസ് കോൺക്ലേവിന് ആവേശകരമായ തുടക്കം
Last Updated:
ആയുര്വേദത്തിൻ്റെയും വെല്നസ് സംവിധാനത്തിൻ്റെയും അന്താരാഷ്ട്ര കേന്ദ്രമാക്കി കേരളത്തെ മാറ്റുക എന്ന ലക്ഷ്യത്തോടെയാണ് കോണ്ക്ലേവ് സംഘടിപ്പിച്ചത്.
അനുകൂല കാലാവസ്ഥ, ജൈവവൈവിധ്യം, പാരമ്പര്യ അറിവുകളുടെ അടിത്തറ, ചികിത്സകരുടെ വിപുലമായ ശൃംഖല എന്നിവയിലൂടെ ആയുര്വേദത്തിൻ്റെ ആസ്ഥാനമായി കേരളം അന്താരാഷ്ട്ര അംഗീകാരം നേടിയതായി ടൂറിസം-പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ്. കേരള ടൂറിസം വകുപ്പും ആയുര്വേദ പ്രമോഷന് സൊസൈറ്റിയും ചേര്ന്ന് സംഘടിപ്പിച്ച അന്താരാഷ്ട്ര ആയുര്വേദ ആന്ഡ് വെല്നസ് കോണ്ക്ലേവ് ഉദ്ഘാടനം ചെയ്യുകയായിരുന്നു മന്ത്രി.
ആയുര്വേദത്തെ ടൂറിസത്തിലേക്ക് ചുരുക്കാതെ, ഗവേഷണപരവും ജനകേന്ദ്രീകൃതവുമായ ആരോഗ്യ സംവിധാനമായി ലോകത്തിന് മുന്നില് അവതരിപ്പിക്കുകയാണ് കേരളത്തിൻ്റെ നയം. കോണ്ക്ലേവിനൊപ്പം ആരംഭിച്ച ഇൻ്റര്നാഷണല് ആയുര്വേദ ആന്ഡ് യോഗ അംബാസഡേഴ്സ് ടൂര് കേരളത്തിൻ്റെ വെല്നസ് മൂല്യങ്ങള് വിശ്വാസ്യതയോടെ ലോകമാകെ എത്തിക്കുന്നതിനുള്ള ഇടപെടലാണെന്നും മന്ത്രി കൂട്ടിച്ചേര്ത്തു.
ആയുര്വേദത്തിൻ്റെയും വെല്നസ് സംവിധാനത്തിൻ്റെയും അന്താരാഷ്ട്ര കേന്ദ്രമാക്കി കേരളത്തെ മാറ്റുക എന്ന ലക്ഷ്യത്തോടെയാണ് കോണ്ക്ലേവ് സംഘടിപ്പിച്ചത്. ഹോട്ടല് ട്രിപ്പൻ്റയില് നടന്ന ചടങ്ങില് മേയര് ഒ സദാശിവന് അധ്യക്ഷനായി. ടൂറിസം-പൊതുമരാമത്ത് വകുപ്പ് പ്രിന്സിപ്പല് സെക്രട്ടറി കെ ബിജു മുഖ്യ പ്രഭാഷണം നടത്തി. ടൂറിസം വകുപ്പ് ഡയറക്ടര് ശിഖ സുരേന്ദ്രന്, സംഘാടക സമിതി ചെയര്മാന് സജീവ് കുറുപ്പ്, സമിതി ഭാരവാഹികളായ പി മാധവന്കുട്ടി വാര്യര്, ബേബി മാത്യു സോമതീരം, മലബാര് ചേംബര് ഓഫ് കോമേഴ്സ് പ്രസിഡൻ്റുമാരായ നിത്യാനന്ദ കമ്മത്ത്, എ പി അബ്ദുള്ളക്കുട്ടി, മലബാര് ടൂറിസം സൊസൈറ്റി സെക്രട്ടറി ജിഹാദ് ഹുസൈന് തുടങ്ങിയവര് സംസാരിച്ചു. ആയുര്വേദ വെല്നസ് മേഖലയില് മികവ് തെളിയിച്ചവരെ ചടങ്ങില് ആദരിച്ചു. ഹോട്ടല് ഡിമോറയില് നടക്കുന്ന കോണ്ക്ലേവില് ബി ടു ബി നെറ്റ്വര്ക്ക് പരിപാടി, പ്രദര്ശനം എന്നിവയുണ്ടാകും.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kozhikode [Calicut],Kozhikode,Kerala
First Published :
Feb 03, 2026 3:15 PM IST
മലയാളം വാർത്തകൾ/ വാർത്ത/Kozhikkod/
ആയുർവേദത്തിൻ്റെ ആസ്ഥാനമായി കേരളം; അന്താരാഷ്ട്ര വെൽനസ് കോൺക്ലേവിന് ആവേശകരമായ തുടക്കം
