77-ാമത് റിപ്പബ്ലിക് ദിനം: വിക്രം മൈതാനിയിൽ പരേഡിനൊരുങ്ങി കോഴിക്കോട്; മുന്നൊരുക്കങ്ങൾ വിലയിരുത്തി കളക്ടർ
Last Updated:
ജനുവരി 22-നും 23-നും പരേഡ് റിഹേഴ്സലും 24-ന് അന്തിമ ഡ്രസ് റിഹേഴ്സലും നടക്കും.
രാജ്യത്തിൻ്റെ 77-ാമത് റിപ്പബ്ലിക് ദിന ജില്ലാതല ആഘോഷങ്ങള്ക്കുള്ള മുന്നൊരുക്കങ്ങള് ജില്ലാ കളക്ടര് സ്നേഹില് കുമാര് സിംഗിൻ്റെ അധ്യക്ഷതയില് കളക്റേറ്റില് ചേര്ന്ന യോഗം വിലയിരുത്തി. ജനുവരി 26-ന് കോഴിക്കോട് വെസ്റ്റ്ഹില്ലിലെ ക്യാപ്റ്റന് വിക്രം മൈതാനിയിലാണ് ജില്ലാതല റിപ്പബ്ലിക് ദിനാഘോഷ പരിപാടികള് നടക്കുക. വിവിധ വിഭാഗങ്ങളുടെ പരേഡ്, സ്കൂള് വിദ്യാര്ഥികള് അവതരിപ്പിക്കുന്ന കലാപരിപാടികള്, പരേഡിനുള്ള മൈതാനം സജ്ജമാക്കല് തുടങ്ങിയവയുടെ പ്രാഥമിക ഒരുക്കങ്ങളുടെ പുരോഗതി യോഗം വിലയിരുത്തി.
ജനുവരി 22-നും 23-നും പരേഡ് റിഹേഴ്സലും 24-ന് അന്തിമ ഡ്രസ് റിഹേഴ്സലും നടക്കും. പോലീസ്, എക്സൈസ്, വനംവകുപ്പ്, അഗ്നിരക്ഷാസേന, എന്.സി.സി., സ്റ്റുഡൻ്റ് പോലീസ് കേഡറ്റ്, സ്കൗട്ട്, ഗൈഡ്സ്, സ്കൂള് ബാന്ഡ് അടക്കമുള്ള പ്ലാറ്റൂണുകളാണ് പരേഡില് അണിനിരക്കുക. യോഗത്തില് സബ് കളക്ടര് എസ് ഗൗതം രാജ്, റൂറല് എസ് പി ഇ കെ ബൈജു, വിവിധ വകുപ്പ് ഉദ്യോഗസ്ഥര് തുടങ്ങിയവര് പങ്കെടുത്തു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kozhikode [Calicut],Kozhikode,Kerala
First Published :
Jan 19, 2026 2:48 PM IST
മലയാളം വാർത്തകൾ/ വാർത്ത/Kozhikkod/
77-ാമത് റിപ്പബ്ലിക് ദിനം: വിക്രം മൈതാനിയിൽ പരേഡിനൊരുങ്ങി കോഴിക്കോട്; മുന്നൊരുക്കങ്ങൾ വിലയിരുത്തി കളക്ടർ
