കുട്ടിമന്ത്രിമാരുടെ സഭ; കോഴിക്കോട് കളക്ടറേറ്റിൽ ബാലപാർലമെൻ്റ്

കുടുംബശ്രീ ജില്ലാമിഷൻ്റെ നേതൃത്വത്തിൽ കളക്ടറേറ്റ് കോൺഫറൻസ് ഹാളിൽ ജില്ലാ ബാലപാർലമെൻ്റ് സംഘടിപ്പിച്ചു. തദ്ദേശസ്വയംഭരണ സ്ഥാപന തലത്തിൽ പ്രവർത്തിക്കുന്ന ബാല പഞ്ചായത്തിൽ നിന്നും തിരഞ്ഞെടുക്കപ്പെട്ട കുട്ടികളാണ് ജില്ലാ ബാലപാർലമെൻ്റിലേക്ക് വരുന്നത്. കുട്ടികൾക്ക് ജനാധിപത്യ സംവിധാനത്തിൻ്റെ പ്രാധാന്യവും വ്യാപ്തിയും മനസ്സിലാക്കി നൽകുകയാണ് ജില്ലാ ബാലപാർലമെൻ്റിൻ്റെ ദ്വിദിന സഹവാസ ക്യാമ്പിലൂടെ ലക്ഷ്യം വെക്കുന്നത്. കുടുംബശ്രീ അയൽക്കൂട്ട പരിധിയിൽ വരുന്ന മുഴുവൻ കുട്ടികളുടെ കൂട്ടായ്മയാണ് ബാലസഭ. ജില്ലാ ബാല പാർലമെൻ്റിൽ 82 സി ഡി എസ്സുകളിൽ നിന്നായി പങ്കെടുത്ത കുട്ടികളിൽ നിന്ന് തിരഞ്ഞെടുക്കപ്പെട്ട 11 പേർ സംസ്ഥാന ബാല പാർലമെൻ്റിൽ പങ്കെടുപ്പിക്കും.