വായനയുടെ വഴിയിലൂടെ ഉന്നതിയിലേക്ക് അക്ഷരോന്നതിയുമായി NSS

കോഴിക്കോട് ജില്ലയിലെ 11 പട്ടികവർഗ ഉന്നതി പഠന കേന്ദ്രങ്ങളിലേക്ക് 6000 പുസ്തകങ്ങൾ ശേഖരിച്ച് കൊണ്ട് ലൈബ്രറി സംവിധാനം ഒരുക്കുന്നതിനായി നടപ്പാക്കുന്ന അക്ഷരോന്നതി പദ്ധതിയുമായി കൊയിലാണ്ടി ക്ലസ്റ്റർ നാഷണൽ സർവീസ് സ്കീം. തദ്ദേശ സ്വയംഭരണ വകുപ്പും പട്ടികജാതി വികസന വകുപ്പും ചേർന്ന് നടത്തുന്ന പദ്ധതിയാണ് അക്ഷരോന്നതി. കോഴിക്കോട് ജില്ലയിലെ പട്ടികവർഗ്ഗ വിഭാഗത്തിൽപ്പെട്ട വിദ്യാർത്ഥികളുടെ പഠന ഉന്നമനത്തിനായും വായനാശീലം വളർത്തുവാനായും പതിനൊന്ന് 'ഉന്നതി' കേന്ദ്രങ്ങളാണ് പ്രവർത്തിക്കുന്നത്. പുസ്‌തകം കുറവായതിനാൽ ലോക വായനാദിനമായ ജൂൺ 19നോട് അനുബന്ധിച്ച് അക്ഷരോനതി പദ്ധതിയുടെ ഭാഗമായി 5000 ത്തോളം പുസ്തകങ്ങൾ കോഴിക്കോട് ജില്ലാ ഭരണകൂടത്തിൻ്റെ നേതൃത്വത്തിൽ എത്തിച്ചിട്ടുണ്ട്.