യുവതി രജനീകാന്തിൻ്റെ ഫാൻ ആണോ? വിരൽ കൊണ്ട് ഗ്യാസ് അടുപ്പ് കത്തിക്കുന്ന ദൃശ്യം

Published by:meera_57
news18-malayalam

Last Updated:Feb 07, 2026 10:31 AM IST

ഒരു സ്ത്രീ ഏറ്റവും അപ്രതീക്ഷിതമായ രീതിയിൽ ഗ്യാസ് ബർണർ കത്തിക്കുന്ന വീഡിയോ ദൃശ്യം പുറത്തുവന്നിരിക്കുകയാണ്‌

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

നിങ്ങളുടെ വിരൽ മാത്രം ഉപയോഗിച്ച് സ്റ്റൗ കത്തിക്കാൻ കഴിയുമോ? തീപ്പെട്ടിക്കൊള്ളി വേണ്ട, ലൈറ്റർ വേണ്ട, മറ്റ് ഉപകരണങ്ങൾ ഒന്നും ആവശ്യമില്ല. അസാധ്യമെന്ന് തോന്നുന്നു, അല്ലേ? എന്നാൽ ഒരു സ്ത്രീ ഏറ്റവും അപ്രതീക്ഷിതമായ രീതിയിൽ ഗ്യാസ് ബർണർ കത്തിക്കുന്ന വീഡിയോ പുറത്തുവന്നതിനുശേഷം ഇന്റർനെറ്റ് 'ഇതെങ്ങനെ' എന്ന ചോദ്യവുമായി സജീവമാണ്. കണ്ടാൽ ഇത്രയുമെല്ലാം രജനീകാന്ത് സിനിമയിൽ മാത്രമേ നടക്കൂ എന്ന് തോന്നിപ്പിക്കുന്ന വിധത്തിലാണ് കാര്യങ്ങൾ.

അടുത്തിടെ ഓൺലൈനിൽ പ്രചരിക്കാൻ തുടങ്ങിയ വീഡിയോ പലപല കാരണങ്ങളാൽ ശ്രദ്ധ പിടിച്ചുപറ്റി. എല്ലാത്തിനുമുപരി, ഒരു ജ്വലന സ്രോതസ്സുമില്ലാതെ സ്റ്റൗ കത്തിക്കുന്നത് ഒരു നിസാര കാര്യവുമല്ല.

സ്ത്രീ വിരൽ കൊണ്ട് സ്റ്റൗ കത്തിക്കുന്നു

വീഡിയോയിൽ കാണുന്ന സ്ത്രീ അടുക്കളയിലെ ഒരു കസേരയിൽ മുടി അഴിച്ചിട്ട നിലയിൽ ഇരിക്കുകയാണ്. അവരുടെ തൊട്ടു മുന്നിൽ ഗ്യാസ് സ്റ്റൗ കാണാം. ഒരു പുരുഷൻ അവരുടെ പിന്നിൽ നിന്ന് കൊണ്ട് തലമുടിക്ക് മുകളിലൂടെ ഒരു തുണി കൊണ്ട് ശക്തമായി വീശുന്നു. അയാൾ ആ പ്രവൃത്തി രണ്ടോ മൂന്നോ തവണ ആവർത്തിക്കുന്നു. ഉടൻ തന്നെ, ഘർഷണം മൂലമുണ്ടാകുന്ന സ്റ്റാറ്റിക് വൈദ്യുതി കാരണം മുടിയുടെ അറ്റം എഴുന്നേറ്റു നിൽക്കുന്നത് പോലെയാകുന്നു.

അയാൾ ഗ്യാസ് ബർണറിന്റെ നോബ് ഓണാക്കുന്നു. ഈ സമയത്ത്, സ്ത്രീ ബർണറിന് മുകളിൽ വിരൽ വയ്ക്കുന്നു. അതോടുകൂടി, സ്റ്റൗ കത്തുന്നു. ഇവിടെ സ്റ്റൗ കത്തുന്നതും കാണാം.

കാണാവുന്ന വിധത്തിൽ ലൈറ്ററോ തീപ്പെട്ടിയോ ഇല്ലാത്തതാണ് ഈ രംഗം ശരിക്കും ഞെട്ടിക്കുന്നത്.

മുന്നറിയിപ്പ്: വീട്ടിൽ ഇത് പരീക്ഷിച്ചുനോക്കാൻ ഞങ്ങൾ നിർദേശിക്കുന്നില്ല. അപകടകരമായ ഈ പരീക്ഷണം ഗുരുതരമായ പരിക്കുകൾക്ക് കാരണമായേക്കും.

വൈറൽ വീഡിയോ ഇവിടെ കാണാം:

Using static electricity to light a stovepic.twitter.com/X000Q1QptG

— Massimo (@Rainmaker1973) February 6, 2026

പലരും ഊഹിക്കാൻ ആരംഭിച്ചപ്പോൾ, യഥാർത്ഥത്തിൽ എന്താണ് സംഭവിക്കുന്നതെന്ന് മനസ്സിലാക്കാൻ ഒരു വിഭാഗം ഉപയോക്താക്കൾ ചാറ്റ്ബോട്ട് ആയ ഗ്രോക്കിലേക്ക് തിരിഞ്ഞു. വിശദീകരണമനുസരിച്ച്, വീഡിയോയിൽ കണ്ടത് മാജിക് ആയിരുന്നില്ല, ശാസ്ത്രമായിരുന്നു.

“ഈ ഡെമോ ട്രൈബോഇലക്ട്രിക് പ്രഭാവം ഉപയോഗിക്കുന്നു. മുടിയിൽ ഒരു തുണി ഉരസുന്നത് ഇലക്ട്രോണുകളെ കൈമാറുന്നു. വ്യക്തിയെ സ്ഥിരമായി ചാർജ് ചെയ്യുന്നു (പലപ്പോഴും പോസിറ്റീവ്). സമാനമായ ചാർജുകളുടെ വികർഷണം കാരണം തലമുടി എഴുന്നേറ്റ് നിൽക്കുന്നു. ഗ്യാസ് സ്റ്റൗവിന് സമീപം ഗ്യാസ് ഒഴുകുമ്പോൾ, ഡിസ്ചാർജ് ഒരു തീപ്പൊരി സൃഷ്ടിക്കുന്നു, ഇന്ധനം അഗ്നി പകരുന്നു," ചാറ്റ്ബോട്ട് വിശദീകരിച്ചു.

അതോടൊപ്പം തന്നെ ചാറ്റ്ബോട്ട് വ്യക്തമായ ഒരു മുന്നറിയിപ്പും നൽകി. “രസകരമാണ്, പക്ഷേ അപകടകരമാണ്—വീട്ടിൽ ശ്രമിക്കരുത്!”

Summary: Can you light a stove using just your finger? No matches, no lighter, no other tools required. Sounds impossible, right? But after a video of a woman lighting a gas burner in the most unexpected way went viral, the internet is buzzing with the question 'how to do it'