അതിദരിദ്ര നിർമ്മാർജ്ജനത്തിന് മാതൃകയായി കോഴിക്കോട് പെരുമണ്ണ ഗ്രാമപഞ്ചായത്ത്

വികസനത്തിൽ പെരുമ ഉയർത്തി കാണിക്കുകയാണ് പെരുമണ്ണ ഗ്രാമപഞ്ചായത്ത്. അതിദരിദ്ര നിർമ്മാർജ്ജനത്തിൻ്റെ ഭാഗമായി ജനകീയ പങ്കാളിത്തത്തോടെ 92 കുടുംബങ്ങളെ കണ്ടെത്തി വീട് ഇല്ലാതിരുന്ന 16 കുടുംബങ്ങൾക്ക് വിവിധ ഫണ്ടുകളായി 64 ലക്ഷം രൂപ വകയിരുത്തി ലൈഫ് ഭവന പദ്ധതിയിലൂടെ വീട് നിർമ്മിച്ചു നൽകുകയും, ഭൂമി ഇല്ലാത്തിരുന്ന മൂന്ന് കുടുംബങ്ങൾക്ക് ഭൂമി ലഭ്യമാക്കി കൊടുകുകയും, വാസയോഗ്യമല്ലാതിരുന്ന ഒൻപത് വീടുകൾ പദ്ധതിയിൽ ഉൾപ്പെടുത്തി വാസയോഗ്യമാക്കി കൊടുകുകയും ചെയ്തു എന്നീ പ്രവർത്തനങ്ങൾ വികസനത്തിൽ പെരുമണ്ണ പെരുമ ഉയർത്തി കാണിക്കുകയാണ്. എല്ലാ സാമ്പത്തിക വർഷവും ഒരു ലക്ഷം രൂപ വകയിരുത്തി മരുന്നുകൾ  പെരുമണ്ണ ഗ്രാമപഞ്ചായത്ത് വിതരണം ചെയ്യുന്നുണ്ട്. അതിദരിദ്ര ഗുണഭോക്താക്കളുടെ വീടുകളിലേക്കുള്ള വഴി കോൺക്രീറ്റ് ചെയ്‌തു സഞ്ചാരയോഗ്യമാക്കുകയും കിണർ നിർമിച്ചു നൽകുകയും ചെയ്തു.