Gold price | പവന് കുറഞ്ഞത് 1400 രൂപ; സംസ്ഥാനത്ത് സ്വർണവിലയിൽ ഇടിവ്

സംസ്ഥാനത്ത് ഒരു ദിവസം കൊണ്ട് സ്വർണം (gold price) ഒരു പവന് കുറഞ്ഞത് 1,400 രൂപ. ഒക്ടോബർ 18, ശനിയാഴ്ച പവന് വില 95,960 രൂപയാണ്. 97,360 രൂപയായിരുന്നു കഴിഞ്ഞ ദിവസത്തെ നിരക്ക്. രാജ്യാന്തര വിലയിലെ ഇടിവാണ് സ്വർണവില കുറയാൻ കാരണമായത്. സെമികണ്ടക്ടർ, ഇലക്ട്രോണിക്സ് വ്യവസായങ്ങൾക്ക് നിർണായകമായ അപൂർവ എർത്ത് ലോഹങ്ങളുടെ കയറ്റുമതി നിയന്ത്രിക്കാനുള്ള പദ്ധതികൾ ബീജിംഗ് പ്രഖ്യാപിച്ചതിനെത്തുടർന്ന് അമേരിക്കയും ചൈനയും തമ്മിലുള്ള വ്യാപാര സംഘർഷങ്ങൾ വീണ്ടും ഉടലെടുത്തതിനെ തുടർന്നാണ് സ്വർണ വിലയിലെ കുതിച്ചുചാട്ടം. ചൈനീസ് ഉൽപ്പന്നങ്ങൾക്ക് 100 ശതമാനം തീരുവ ചുമത്തുമെന്ന് ഭീഷണിപ്പെടുത്തിയ യുഎസ് പ്രസിഡന്റ് ഡൊണാൾഡ് ട്രംപിൽ നിന്ന് ഈ നീക്കത്തിനെതിരെ ശക്തമായ പ്രതിഷേധം ഉയർന്നിരുന്നു. സ്വർണവില പവന് ഒരു ലക്ഷം രൂപ വരെയെത്തും എന്ന നിരീക്ഷണത്തിലാണ് നിലവിലെ നിരക്കുകൾ മുന്നോട്ടു കുതിക്കുന്നത്‌. ജി.എസ്.ടി., ഹാൾമാർക്കിംഗ്, പണിക്കൂലി എന്നിവകൂടി ചേർന്നാൽ ഒരു പവൻ സ്വർണം വാങ്ങുമ്പോൾ വില ഇനിയും വർധിക്കും.