ഹിന്ദു ആചാരപ്രകാരം വിവാഹം; 14 മാസങ്ങൾക്ക് ശേഷം വിവാഹമോചനം: ഈ ഹോളിവുഡ് ദമ്പതികളെ അറിയുമോ?

ലോകം മുഴുവൻ സംസാരിച്ചുകൊണ്ടിരിക്കുന്ന ഒരു ആഗോള പോപ്പ് താരമാണ് ഇന്ത്യയിൽ വച്ച് ഹിന്ദു ആചാരപ്രകാരം വിവാഹം നടത്തിയത്. ധൈര്യശാലിയും സുന്ദരിയുമായ അവർ, തീവ്രമായ പ്രണയബന്ധത്തിന്റെ പേരിൽ വീണ്ടും ഇപ്പോൾ വാർത്തകളിൽ നിറഞ്ഞിരിക്കുകയാണ്.

​എക്കാലത്തെയും മികച്ച കലാകാരികളിൽ ഒരാളായ ഈ പോപ്പ് ഗായിക മറ്റൊരു കാരണം കൊണ്ടാണ് വാർത്തകളിൽ നിറയുന്നത്. അവരുടെ പരസ്യമായ പ്രണയപ്രകടനങ്ങളുടെ (PDA - Public Display of Affection) ചിത്രങ്ങൾ സോഷ്യൽ മീഡിയയിൽ വ്യാപകമായി പ്രചരിക്കുകയാണ്.

ഇവിടെ നമ്മൾ സംസാരിക്കുന്നത് ഹിറ്റ് ചാർട്ടുകൾ കീഴടക്കിയ താരമായ ക്യാറ്റി പെറിയെക്കുറിച്ചാണ്.സമൂഹമാധ്യമങ്ങളിൽ നിറയുന്ന പുതിയ ചിത്രങ്ങളിൽ കനേഡിയൻ മുൻ പ്രധാനമന്ത്രി ജസ്റ്റിൻ ട്രൂഡോയെ ഒരു യാട്ടിൽ വെച്ച് ക്യാറ്റയെ ചുംബിക്കുന്നതായി കാണാം.

ബ്ലാക്ക് നിറത്തിലുള്ള സ്വിംസ്യൂട്ട് ധരിച്ച ഗായിക നിൽക്കുന്നത്. ഷർട്ട് ധരിക്കാത്ത ട്രൂഡോയെ ആലിംഗനം ചെയ്യുന്ന ചിത്രങ്ങളാണ് 'ദി ഡെയ്‌ലി മെയിൽ' പുറത്തുവിട്ടത്. ചിത്രങ്ങളിൽ ട്രൂഡോ ഡെനിം ജീൻസാണ് ധരിച്ചിരുന്നത്.

ഈ ബന്ധത്തെക്കുറിച്ചുള്ള അഭ്യൂഹങ്ങളോട് ക്യാറ്റി പെറിയോ ജസ്റ്റിൻ ട്രൂഡോയോ ഇതുവരെ പരസ്യമായി പ്രതികരിച്ചിട്ടില്ല.

എന്നാൽ ഈ യാട്ട് പ്രണയത്തിന് വളരെ മുൻപ്, 2010-ൽ ക്യാറ്റി പെറി ഹോളിവുഡ് കോമേഡിയനായ റസ്സൽ ബ്രാൻഡിനെ വിവാഹം ചെയ്തിരുന്നു. രാജസ്ഥാനിലെ രൺതംബോർ കടുവാ സങ്കേതത്തിന് സമീപത്തുവെച്ച് ഹിന്ദു ആചാരപ്രകാരമായിരുന്നു ഇവരുടെ വിവാഹം.

അവരുടെ ആഢംബര വിവാഹം ലോക വാർത്തകളിൽ ഇടം നേടിയിരുന്നു, എന്നാൽ വെറും 14 മാസങ്ങൾ മാത്രമായിരുന്നു ഈ ബന്ധത്തിന്റെ ആയുസ്സ്. ഒരു സന്ദേശത്തിലൂടെയാണ് തങ്ങളുടെ വിവാഹബന്ധം അവസാനിച്ച വിവരം റസ്സൽ അറിയിച്ചത്.

തങ്ങളുടെ വിവാഹബന്ധം പരാജയപ്പെടാൻ കാരണം, രണ്ടു പേരുടെയും കരിയർ തമ്മിലുള്ള പ്രശ്നങ്ങളും കുടുംബജീവിതത്തെക്കുറിച്ചുള്ള വ്യത്യസ്ത കാഴ്ചപ്പാടുകളുമാണ് വിവാഹ ജീവിതം തകരാൻ കാരണമെന്ന് പിന്നീട് ക്യാറ്റ് വെളിപ്പെടുത്തിയിരുന്നു.

വിവാഹബന്ധം തകർന്ന ശേഷ ക്യാറ്റി 2012 മുതൽ 2015 വരെ ഗായകൻ ജോൺ മേയറുമായി ഡേറ്റിങ്ങിലായിരുന്നു. പിന്നീട് 2019-ൽ നടൻ ഓർലാൻഡോ ബ്ലൂമുമായി വിവാഹനിശ്ചയം നടന്നതോടെ അവരുടെ ജീവിതത്തിൽ വീണ്ടും പ്രണയം പൂവിട്ടു.

2020-ൽ അവർക്ക് ഡെയ്‌സി ഡവ് എന്നൊരു മകൾ ജനിച്ചു. എന്നാൽ, 2025 ജൂലൈയിൽ അവർ പിരിയാൻ തീരുമാനിച്ചു. ഇപ്പോഴാണ് ജസ്റ്റിൻ ട്രൂഡോയുമായുള്ള അവരുടെ പ്രണയബന്ധം വാർത്തകളിൽ ഇടംനേടുന്നത്.

ഇതിനെല്ലാമിടയിലും, കേറ്റി കരിയറിൽ മുന്നറികൊണ്ടിരുന്നു. 'Roar', 'Firework', 'Dark Horse' തുടങ്ങിയ ബ്ലോക്ക്ബസ്റ്റർ ഹിറ്റുകൾ നൽകിയ അവർ ഒടുവിൽ പോപ്പ് സംഗീത ലോകത്തെ രാജ്ഞിയായി മാറി.