കെപിസിസി പ്രസിഡന്റ് സണ്ണി ജോസഫിന്റെ സഹോദരൻ ബിജെപി വേദിയിൽ; പാർട്ടിയിൽ ചേരുന്ന കാര്യം ആലോചനയിൽ

തന്റെ ഗ്യാസ് ഏജൻസിയുടെ ലൈസൻസുമായി ബന്ധപ്പെട്ട പരാതി പരിഹരിക്കാനാണ് ബിജെപി അദാലത്തിലെത്തിയതെന്ന് ഷാജി പറഞ്ഞു. മുൻപ് യുഡിഎഫ് സർക്കാരിന്റെ കാലത്താണ് തന്റെ ഏജൻസി ലൈസൻസ് റദ്ദാക്കപ്പെട്ടതെന്നും ആ സമയത്ത് സഹോദരനായ സണ്ണി ജോസഫ് തന്നെ സഹായിക്കാൻ തയ്യാറായില്ലെന്നും ഷാജി കുറ്റപ്പെടുത്തി. താനും സണ്ണി ജോസഫും വ്യത്യസ്ത രാഷ്ട്രീയ നിലപാടുകളുള്ളവരാണെന്നും അദ്ദേഹം കൂട്ടിച്ചേർത്തു.

2011-ൽ തന്നെ താൻ കോൺഗ്രസുമായുള്ള ബന്ധം ഉപേക്ഷിച്ചതാണെന്ന് ഷാജി വ്യക്തമാക്കി. ബിജെപിയിൽ ചേരുന്ന കാര്യം ആലോചനയിലുണ്ടെന്നും എന്നാൽ ഇതുവരെ അന്തിമ തീരുമാനം എടുത്തിട്ടില്ലെന്നും അദ്ദേഹം പ്രതികരിച്ചു.