വയനാട്ടിൽ കെണിയിൽനിന്ന് രക്ഷപെട്ട പുള്ളിപ്പുലിയെ പിടികൂടി

ഞായറാഴ്ച വെളുപ്പിന് കൃഷി നശിപ്പിക്കാനെത്തുന്ന വന്യമൃഗങ്ങള്‍ക്കായി സ്ഥാപിച്ച കെണിയിലാണ് പുലി കുടുങ്ങിയത്. പന്നികൾക്കായി ഒരുക്കിയ കെണിയിലാണ് പുലി വീണത്. കെണിയില്‍പ്പെട്ട പുലിയെ കണ്ട നാട്ടുകാരാണ് വിവരം വനംവകുപ്പ് അധികൃതരെ അറിയിച്ചത്.

മയക്കുവെടി വെക്കാന്‍ ഡോക്ടറില്ലാത്തതിനാല്‍ പുലിയെ കെണിയില്‍ നിന്നും നീക്കാന്‍ സാധിച്ചില്ല. ഉച്ചയ്ക്ക് രണ്ടുമണിയോടെയാണ് ഡോക്ടറെത്തിയത്. പുലിയെ വനത്തില്‍ കൊണ്ടു പോയി വിടാനായി വനംവകുപ്പ് കൂടും എത്തിച്ചു. എന്നാല്‍ മയക്കുവെടി വെക്കാൻ തുടങ്ങുന്നതിന് മുമ്പ് പുലി കെണിയില്‍ നിന്നും രക്ഷപ്പെടുകയായിരുന്നു.