HOME » NEWS » Kerala » LOCAL BODY ELECTIONS 2020 KSU WORKERS PROTESTED IN FRONT OF DCC OFFICE IN KOLLAM RV TV

Local Body Elections 2020| സ്ഥാനാർഥി നിർണയം: കൊല്ലത്ത് കോൺഗ്രസിൽ കലാപം; ഡിസിസി ഓഫീസിന് മുന്നിൽ പ്രതിഷേധിച്ച് KSU പ്രവർത്തകർ 

ജില്ലാ പഞ്ചായത്ത് സ്ഥാനാർഥികളെ പ്രഖ്യാപിച്ചപ്പോൾ യൂത്ത് കോൺഗ്രസിന് പ്രാതിനിധ്യം ലഭിച്ചത് ഒരു ഡിവിഷനിൽ മാത്രം. കെ എസ് യുവിനാകട്ടെ ഒന്നും കിട്ടിയില്ല. നഗരസഭയിലേക്കുള്ള സ്ഥാനാർത്ഥികളെ പ്രഖ്യാപിക്കാനിരിക്കെയാണ് പരിഗണന ആവശ്യപ്പെട്ട് ഡി സി സി ക്ക് മുന്നിൽ കെ എസ് യു പ്രവർത്തകർ കുത്തിയിരുന്നത്.

News18 Malayalam | news18-malayalam
Updated: November 12, 2020, 4:24 PM IST
Local Body Elections 2020| സ്ഥാനാർഥി നിർണയം: കൊല്ലത്ത് കോൺഗ്രസിൽ കലാപം; ഡിസിസി ഓഫീസിന് മുന്നിൽ പ്രതിഷേധിച്ച് KSU പ്രവർത്തകർ 
കൊല്ലം ഡിസിസി ഓഫീസിന് മുന്നിൽ കെ എസ് യു പ്രവർത്തകർ കുത്തിയിരുന്ന് പ്രതിഷേധിക്കുന്നു
  • Share this:
കൊല്ലം: ഉപതെരഞ്ഞടുപ്പിലേക്കുള്ള സ്ഥാനാർഥി നിർണയവുമായി ബന്ധപ്പെട്ട് കൊല്ലത്ത് കോൺഗ്രസിൽ കലാപം. ജില്ലാ പഞ്ചായത്ത് സ്ഥാനാർഥികളെ പ്രഖ്യാപിച്ചപ്പോൾ യൂത്ത് കോൺഗ്രസിന് പ്രാതിനിധ്യം ലഭിച്ചത് ഒരു ഡിവിഷനിൽ മാത്രം. കെ എസ് യുവിനാകട്ടെ ഒന്നും കിട്ടിയില്ല. നഗരസഭയിലേക്കുള്ള സ്ഥാനാർത്ഥികളെ പ്രഖ്യാപിക്കാനിരിക്കെയാണ് പരിഗണന ആവശ്യപ്പെട്ട് ഡി സി സി ക്ക് മുന്നിൽ കെ എസ് യു പ്രവർത്തകർ കുത്തിയിരുന്നത്.

Also Read- തദ്ദേശ തെരഞ്ഞെടുപ്പ് പത്രികസമർപ്പണം ഇന്നുമുതൽ; കോവിഡ് പശ്ചാത്തലത്തിൽ എന്തൊക്കെ ചെയ്യണം?

ഗ്രൂപ്പ് നേതാക്കൾ ചേർന്നുള്ള സീറ്റ് വീതംവയ്പ്പാണ് നടക്കുന്നതെന്നാണ് പ്രധാന ആരോപണം. സീറ്റിൻ്റെ കാര്യം വരുമ്പോൾ യുവാക്കളെ തഴഞ്ഞ് ഗ്രൂപ്പ് മാനേജർമാർ ഒറ്റക്കെട്ടാവുന്നു എന്ന ആക്ഷേപം പണ്ടും ഉയർന്നിട്ടുള്ളതാണ്. സി പി എമ്മും ബി ജെ പിയും പരമാവധി യുവാക്കളെ രംഗത്തിറക്കുമ്പോൾ കോൺഗ്രസ്, യുവജന സംഘടനകളെ തഴയുകയാണെന്നും യുവ നേതാക്കൾ പറയുന്നു. അർഹമായ സ്ഥാനാർഥിത്വം ആവശ്യപ്പെട്ട് കെ എസ് യു നേതാക്കൾ നേരത്തെ ഡിസിസിക്ക് കത്ത് നൽകിയിരുന്നു.

Also Read-Local Body Elections 2020| വോട്ടെടുപ്പിന് തൊട്ടു മുമ്പ് കോവിഡ് സ്ഥിരീകരിക്കുന്നവർക്കും വോട്ട് ചെയ്യാൻ അവസരം

ജില്ലാ പ്രസിഡൻ്റ് വിഷ്ണുവിൻ്റെ നേതൃത്വത്തിലായിരുന്നു കുത്തിയിരുപ്പ്. കുത്തിയിരുപ്പ് സമരത്തിന് മുതിർന്നില്ലെങ്കിലും പ്രതിഷേധവുമായി യൂത്ത് കോൺഗ്രസും രംഗത്തുണ്ട്. സ്ഥാനാർഥി നിർണയ സമിതിയിലും യുവജന സംഘടനകൾക്ക് പ്രാതിനിധ്യം നൽകിയിരുന്നില്ല. കടുത്ത ഗ്രൂപ്പ് തർക്കം പാർട്ടിയിൽ തന്നെ നിലനിൽക്കെ യുവജന സംഘടനകളും കലാപക്കൊടി ഉയർത്തുന്നത് കോൺഗ്രസ് നേതൃത്യത്തിന് സൃഷ്ടിക്കുന്ന തലവേദന ചെറുതല്ല.
Published by: Rajesh V
First published: November 12, 2020, 4:24 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories