താമരശ്ശേരി ചുരത്തിൽ കുരങ്ങ് കാറിന്റെ താക്കോൽ തട്ടിയെടുത്തു; പിന്തുടർന്ന് പോയ ആൾ കൊക്കയിൽ വീണു

താമരശ്ശേരി ചുരത്തിൽ നിന്ന് യാത്രക്കാരൻ കൊക്കയിലേക്ക് വീണു. ചുരം വ്യൂ പോയിന്റില്‍ നിന്നുമാണ് മലപ്പുറം പൊന്‍മുള സ്വദേശി അയമു(33)വാണ് അപകടത്തിൽപെട്ടത്. കുരങ്ങ് കാറിന്റെ താക്കോൽ കൈവശപ്പെടുത്തിയപ്പോൾ പിന്തുടർന്ന് പോയതായിരുന്നു.

Also Read- കസ്‌തൂരിരംഗൻ സമരത്തിനിടെ താമരശ്ശേരി വനം വകുപ്പ് ഓഫീസ് കത്തിച്ച സംഭവം; കേസ് ഡയറി കാണാനില്ല

കൊക്കയിലേക്ക് ഇറങ്ങാന്‍ ശ്രമിക്കുന്നതനിടെ പിടിവിട്ട് താഴ്ചയിലേക്ക് വീഴുകയായിരുന്നു. കല്‍പ്പറ്റയില്‍ നിന്നും ഫയര്‍ ഫോഴ്‌സ് എത്തിയാണ് ഇയാളെ രക്ഷിച്ചത്. സാരമായി പരിക്കേറ്റ അയമുവിനെ വൈത്തിരി താലൂക്ക് ആശുപത്രിയില്‍ പ്രവേശിപ്പിച്ചിരിക്കുകയാണ്. യുവാവിന്റെ കാലിനാണ് പരിക്ക്.