കെ.സി വേണുഗോപാലിന്റെ സ്ഥാനാർത്ഥിത്വം: പ്രസ്താവന വളച്ചൊടിച്ചുവെന്ന് മുല്ലപ്പള്ളി
Last Updated:
തിരുവനന്തപുരം: കെ സി വേണുഗോപാലിന്റെ സ്ഥാനാര്‍തിത്വം സംബന്ധിച്ച തന്റെ പ്രസ്താവന വളച്ചൊടിച്ചെന്ന് കെ.സി.സി.സി അധ്യക്ഷന്‍ മുല്ലപ്പള്ളി രാമചന്ദ്രന്‍. ഏറെ ജനപ്രീതിയുള്ള നേതാവായ കെ.സി മത്സരിക്കണമെന്ന ആഗ്രഹമാണ് താന്‍ പ്രകടിപ്പിച്ചത്. ഏതെങ്കിലും സീറ്റില്‍ മത്സരിക്കണമെന്ന് അദ്ദേഹത്തോട് ആവശ്യപ്പെട്ടിരുന്നു. മാധ്യമങ്ങള്‍ എഴുതാപ്പുറം വായിക്കരുതെന്നും മുല്ലപ്പള്ളി ആവശ്യപ്പെട്ടു.
മുല്ലപ്പള്ളി ആദ്യം പറഞ്ഞത്
തെരഞ്ഞെടുപ്പില്‍ മത്സരിക്കില്ലെന്ന് കെ.സി വേണുഗോപാല്‍ പറഞ്ഞിട്ടില്ലെന്നാണ് നേരത്തെ മുല്ലപ്പള്ളി രാമചന്ദ്രന്‍ പറഞ്ഞത്. ആലപ്പുഴയില്‍ നിന്ന് മത്സരിക്കില്ലെന്നാണ് വേണുഗോപാല്‍ പറഞ്ഞതെന്നും അതിനര്‍ത്ഥം എവിടെയും മത്സരിക്കില്ലെന്നല്ലെന്നും മുല്ലപ്പള്ളി തിരുവനന്തപുരത്ത് പറഞ്ഞു.
കെ.സി വേണുഗോപാലിന്റെ പ്രതികരണം
അതേസമയം പാര്‍ട്ടി ചുമതലകളുടെ തിരക്കുമൂലമാണ് മത്സരിക്കില്ലെന്ന് നിലപാടെടുത്തതെന്നും ഇക്കാര്യം കെ.പി.സി.സി നേതൃത്വത്തെ അറിയിച്ചതാണെന്നും കെ.സി വേണുഗോപാല്‍ ന്യൂസ് 18-നോട് പറഞ്ഞു.
advertisement
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
March 12, 2019 4:28 PM IST
മലയാളം വാർത്തകൾ/ വാർത്ത/Kerala/
കെ.സി വേണുഗോപാലിന്റെ സ്ഥാനാർത്ഥിത്വം: പ്രസ്താവന വളച്ചൊടിച്ചുവെന്ന് മുല്ലപ്പള്ളി
