EP Jayarajan's Autobiography: ജയരാജന് പിന്തുണയുമായി എംവി ​ഗോവിന്ദൻ; മാധ്യമങ്ങൾ 'തോന്ന്യാസ' വാർത്തകൾ നൽകുന്നുവെന്ന് വിമർശനം

ഇ പി ജയരാജന്റെ ആത്മകഥാ വിവാദത്തിൽ ഇ.പിക്ക് പൂർണ്ണ പിന്തുണയുമായി സിപിഐഎം സംസ്ഥാന സെക്രട്ടറി എംവി ഗോവിന്ദൻ. ഇതെല്ലാം മാധ്യമ സൃഷ്ടിയാണെന്നും മാധ്യമങ്ങൾ തോന്ന്യാസ വാർത്ത നൽകുന്നുവെന്നും എം വി ​ഗോവിന്ദൻ പ്രതികരിച്ചു. താൻ ആരെയും ഒന്നും ഏല്പിച്ചിട്ടില്ലെന്ന് ജയരാജൻ വ്യക്തമാക്കിയതാണ്. പാർട്ടിക്ക് ഈ വിഷയത്തിൽ കൃത്യമായ ധാരണയുണ്ട്. ജയരാജൻ തന്നെ എല്ലാ കാര്യങ്ങളും കൃത്യമായി പറഞ്ഞതാണ്. ഉപതിരഞ്ഞെടുപ്പ് നടക്കുന്ന ഈ സമയത്ത് മാധ്യമങ്ങൾ വ്യാജവാർത്തകൾ ഉണ്ടാക്കുകയാണെന്നും എം വി ​ഗോവിന്ദൻ കുറ്റപ്പെടുത്തി.