'ആരെങ്കിലും പുകഴ്ത്തിയാല്‍ ആരും മുഖ്യമന്ത്രിയാകില്ല'; കെ. മുരളീധരൻ

രമേശ് ചെന്നിത്തലയെ പരോക്ഷമായി വിമർശിച്ച് കെ മുരളീധരൻ. ആരെങ്കിലും പുകഴ്ത്തിയാൽ ആരും മുഖ്യമന്ത്രി ആകില്ലെന്നാണ് മുരളീധരന്റെ പ്രതികരണം. മുസ്ലിംലീഗ് സംസ്ഥാന പ്രസി‍‍ന്റ് സാദിഖലി ശിഹാബ് തങ്ങളും എൻഎസ്എസ് ജനറൽ സെക്രട്ടറി സുകുമാരൻ നായർ അടക്കമുള്ളവർ ചെന്നിത്തലയെ പുകഴ്ത്തി സംസാരിച്ചതിന് പിന്നാലെയാണ് മുരളീധരന്റെ പരാമർശം. കോൺഗ്രസിന് ചില ചിട്ടവട്ടങ്ങൾ ഉണ്ട്. നിയമസഭാകക്ഷിയുടെ ഭൂരിപക്ഷം നോക്കേണ്ടതുണ്ടെന്നും ഡൽഹിയുടെ അഭിപ്രായം അറിയണമെന്നും മുരളീധരൻ വ്യക്തമാക്കി. കോൺഗ്രസ് അധ്യക്ഷൻ മല്ലികാർജുൻ ഖാർ​ഗേയും രാഹുൽഗാന്ധിയും ഉള്ളപ്പോൾ ഈ വിഷയം ഇവിടെ ചർച്ച ചെയ്യേണ്ടതില്ലെന്നും മുരളീധരൻ കൂട്ടിച്ചേർത്തു.