NORKA | നോർക്ക കെയർ ആപ്പ്; ഇനി പ്രവാസി ആരോഗ്യ ഇൻഷുറൻസ് എൻറോൾമെന്റ് സുഗമമാകും

നോർക്ക കെയർ പദ്ധതി പ്രകാരം, ഭർത്താവും ഭാര്യയും 25 വയസ്സിന് താഴെയുള്ള രണ്ട് കുട്ടികളും അടങ്ങുന്ന ഒരു കുടുംബത്തിന് 13,411 രൂപ പ്രീമിയം അടച്ചാൽ 5 ലക്ഷം രൂപയുടെ ആരോഗ്യ ഇൻഷുറൻസും 10 ലക്ഷം രൂപയുടെ ഗ്രൂപ്പ് പേഴ്‌സണൽ അപകട പരിരക്ഷയും ലഭിക്കും.

നവംബർ 1 മുതൽ പ്രവാസി മലയാളികൾക്ക് നോർക്ക കെയറിന്റെ ഇൻഷുറൻസ് പരിരക്ഷ ലഭ്യമാകും. കേരളത്തിലെ 500-ലധികം ആശുപത്രികളിലൂടെയും ഇന്ത്യയിലുടനീളമുള്ള 16,000-ത്തോളം ആശുപത്രികളിലൂടെയും പണരഹിത വൈദ്യചികിത്സ ഉറപ്പാക്കുന്നതാണ് ഈ പദ്ധതി. പ്രവാസി മലയാളികളുടെ പ്രധാന ആവശ്യങ്ങളിലൊന്നായിരുന്നു സമഗ്രമായ ആരോഗ്യ, അപകട ഇൻഷുറൻസ് പാക്കേജ്. ലോക കേരള സഭ ഉൾപ്പെടെയുള്ള വേദികളിൽ ചർച്ച ചെയ്യപ്പെട്ട ഈ ആശയം, നോർക്ക കെയർ പദ്ധതി യാഥാർത്ഥ്യമാക്കി മാറ്റുന്നു.

യോഗ്യത: സാധുവായ നോർക്ക പ്രവാസി ഐഡി, സ്റ്റുഡന്റ് ഐഡി, അല്ലെങ്കിൽ എൻആർകെ ഐഡി കാർഡ് കൈവശമുള്ളവർക്ക് ഈ പദ്ധതിയിൽ ചേരാൻ അർഹതയുണ്ട്. രജിസ്ട്രേഷൻ ആരംഭിച്ചു. എങ്ങനെ രജിസ്റ്റർ ചെയ്യാം, യോഗ്യതാ പരിശോധന, കവറേജ്, ആശുപത്രി ലിസ്റ്റ് എന്നിവയെക്കുറിച്ചുള്ള വിശദാംശങ്ങൾ ലഭ്യമാണ്.