യൂണിവേഴ്സിറ്റി കോളജ് സംഘർഷം: SFI പ്രവർത്തകൻ കസ്റ്റഡിയിൽ
Last Updated:
വിദ്യാർഥിയെ കുത്തിയ ശിവരഞ്ജിത്ത് അടക്കമുള്ള പ്രധാന പ്രതികളെ കണ്ടെത്താൻ പൊലീസിന് ഇതുവരെ കഴിഞ്ഞിട്ടില്ല
തിരുവനന്തപുരം: യൂണിവേഴ്സിറ്റി കോളജ് സംഘർഷവുമായി ബന്ധപ്പെട്ട് ഒരാൾ കസ്റ്റഡിയിൽ. എസ്എഫ്ഐ പ്രവർത്തകനായ നേമം സ്വദേശി ഇജാബിനെയാണ് കന്റോണ്‍മെന്റ് പൊലീസ് കസ്റ്റഡിയിലെടുത്തത്. എസ്എഫ്ഐ യൂണിവേഴ്സിറ്റി കോളജ് യൂണിറ്റ് കമ്മിറ്റി അംഗമായിരുന്ന ഇജാബിനെ കഴിഞ്ഞ ദിവസം രാത്രിയോടെയാണ് കസ്റ്റഡിയിലെടുത്തത്.
Also Read-വിദ്യാർഥിയെ കുത്തിയ ശിവരഞ്ജിത്ത് പൊലീസ് പരീക്ഷയിൽ ഒന്നാം റാങ്കുകാരൻ; സെക്രട്ടറി നസീമിന് 28ാം റാങ്ക്
കേസിലെ പ്രധാന പ്രതികൾക്ക് പുറമെ കണ്ടാലറിയാവുന്ന മുപ്പത് പേരെയും പ്രതി ചേർത്തിരുന്നു. അവരിലൊരാളാണ് ഇജാബ്. ഇജാബിന്റെ അറസ്റ്റ് രേഖപ്പെടുത്തി വൈകാതെ തന്നെ കോടതിയിൽ ഹാജരാക്കും. കുത്തേറ്റ വിദ്യാർഥി അഖിലിന്റെ മൊഴിയും പൊലീസ് ഇന്ന് രേഖപ്പെടുത്തും.
അതേസമയം വിദ്യാർഥിയെ കുത്തിയ ശിവരഞ്ജിത്ത് അടക്കമുള്ള പ്രധാന പ്രതികളെ കണ്ടെത്താൻ പൊലീസിന് ഇതുവരെ കഴിഞ്ഞിട്ടില്ല. സംഭവം നടന്ന് രണ്ട് ദിവസം പിന്നിട്ടിട്ടും ഒളിവിൽ പോയ പ്രതികളെ പിടികൂടാനാകാത്തത് പൊലീസിന് മേൽ സമ്മർദ്ദമുണ്ടാക്കുന്നുവെന്നും വിവരങ്ങളുണ്ട്.
advertisement
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
July 14, 2019 7:10 AM IST
