AI ക്യാമറ പിഴകളിൽ ഇളവ് വേണം; അഭ്യർഥനയുമായി ശാരീരിക മാനസിക വെല്ലുവിളി നേരിടുന്ന കുട്ടികളുടെ രക്ഷിതാക്കൾ

ബുദ്ധിമുട്ടുകൾ ചൂണ്ടിക്കാട്ടി ഭിന്നശേഷിക്കുട്ടികളുടെ മാതാപിതാക്കളുടെ സംഘടനയായ സേവ് ദ ഫാമിലി ട്രാന്‍സ്പോര്‍ട്ട് കമ്മീഷണര്‍ക്ക് നിവേദനം നൽകിയിട്ടുണ്ട്. കുട്ടികളുമൊത്തുള്ള യാത്രകൾക്ക് ഇരുചക്രവാഹനങ്ങളാണ് മിക്കപ്പോഴും രക്ഷിതാക്കൾ ആശ്രയിക്കുന്നത്. പലരുടെയും കഴുത്ത് ഉറയ്ക്കാത്തതിനാല്‍ ഹെല്‍മറ്റ് വയ്ക്കാനുമാകില്ല, സീറ്റ് ബല്‍റ്റ് ധരിപ്പിക്കുന്നതും സാധ്യമല്ലെന്ന് രക്ഷിതാക്കൾ പറയുന്നു.

പലരും ജോലിക്ക് പോലും പോകാതെ ഈ കുട്ടികളെ പരിപാലിക്കുന്നവരാണ്. മനസിക–ശാരീരിക വെല്ലുവിളിനേരിടുന്നവരുമായി യാത്രചെയ്യുമ്പോള്‍ പ്രത്യേക പരിഗണന കാണിക്കണമെന്നാണ് നിവേദനത്തിൽ സേവ് ദ ഫാമിലി ആവശ്യപ്പെട്ടിട്ടുണ്ട്.